وين جنتي
وين جنتي
وليش متأخرة على كل هالسنين
وليش ما طيفج اجه وفزز صفنتي
وين جنتي
كبل تسع اسنين مريتي علة عيني وما وكفتي
ليش من دك الجرس ماصارن اعيونج فرصتي
ليش من كف العمر هسه ضهرتي
وين جنتي
ياملك شيطان وتلبس ابجثتي
يادمع خسران ويثلم وجنتي
ياالم لف روحي سجين بخصرتي
وين جنتي
ليش مااجيتي كبل لاتوصل الفضه الكذلتي
وليش من عبرن محطاتي ركبتي
وليش فتحتي لمن ذبلت وردتي
والله لو عندي بخت چا لمچ امن اسنين بختي
وين جنتي
جان هسه ادموع ماكو وخابصة العالم ضحكتي
وين جنتي
وليش متعطله وصلتي
وين جنتي
..............................
للشاعر محمد الغريب
رد مع اقتباس
تقبلي مروري مع التقييم
