هنا

[الشاعر علي البدري]

•
ألشاعرة هاجر ألغانمے

حشفة بعثك خلصان ؟وألكيض اجاني
.شو رطبت ورويت "محد حواني؟

•
الشاعر علي البدري ألكيتاوي

يحويني ينوي ايريد ويكلي باجر
هذا انة حالي اوياه صاير يهاجر

•
ألشاعرة هاجر ألغانمے

حشفة وجواهة الكيض ظلت بلعثوك؟
هم انته علو هيج؟مثلي انته خلوك

•
الشاعر علي البدري ألكيتاوي

بالعثك من ضليت ما اعرف اشصار
خلوني ايبس عود يرموني بحجار

•
ألشاعرة هاجر ألغانمے

هو انته حشفت كيض وكتك تبخر؟
باقي بعث خلصان؟وميبسك الحر

•
الشاعر علي البدري ألكيتاوي

مامسني حر اوياج بس مسني همهم
ربعي وصفو طشاار اشلون المهم

•
ألشاعرة هاجر ألغانمے

حر الي شفته وياي بارد علة الغير؟
مهرة انة شرسة عليك؟وي غيرك اتغير

•
الشاعر علي البدري ألكيتاوي

كحيلة وتسابك خيل ردت وراها
شافت خيول اليوم مو مستواها

•
ألشاعرة هاجر ألغانمے

كحيلة وابد ما يوم طخيته راسي؟
اشكثر صعبه وياك؟نعلة علة ساسي

•
الشاعر علي البدري ألكيتاوي

مو صعبة انتي اوياي يابنت الاجواد
راسج يضل مرفوع بيج الفخر زاد

•
ألشاعرة هاجر ألغانمے

صعبه واحس وياك لمعاند يلوك؟
من طعمي فنك يوم بالسانك اضوك؟

•
الشاعر علي البدري ألكيتاوي

طعمج يبنت الناس وين انة اضوكة
دليني بالعنوان وبخملة ابوكة

•
ألشاعرة هاجر ألغانمے

اضوكة ما ضنين صعبه انته افهم؟
وايدك اذا مديت؟اكسرهة الكم

•
الشاعر علي البدري ألكيتاوي

لا ما امدهة الايد هيهات امدها
خفت الشماتة ابيوم هية التردها

•
ألشاعرة هاجر ألغانمے

خلي الشماته اتروح ما يمنة شامت؟
لتهيج انته الروح مو توهة نامت

•
الشاعر علي البدري ألكيتاوي

شينوم الشمات ماتقبل اتنام
كالولي هسة اطييح في هاي الايام

•
ألشاعرة هاجر ألغانمے

حجي الشماته اشكال ؟ليهمك امشي؟
مثلي انة امشي بزود ما حركة رمشي؟

•
الشاعر علي البدري ألكيتاوي

ابقى انة ماشي ابزود ماهمني شمات
بس وسفة عالخوان نكرو حرامات

•
ألشاعرة هاجر ألغانمے

لو نمشي ع الشمات جا متنة خالي؟
اني بحجي الشمات ما شغلة بالي

•
الشاعر علي البدري ألكيتاوي

انعل ابو الشمات يومية اسبهم
دوم انة امشي ابزود عثرة ابدربهم

•
ألشاعرة هاجر ألغانمے

انعل وسب مرخوص وحذف اثرهم؟
ملينة منهم أوف؟نعلة علة اهلهم

•
الشاعر علي البدري ألكيتاوي

نعلةعلة اهلم هيج كلهم اذية
صرت انة اسبهم دوم صبح ومسية

•
ألشاعرة هاجر ألغانمے

بالسب تشيل اذنوب لسب دكافي؟
ع البسة والعاكول لا تمشي حافي

•
الشاعر علي البدري ألكيتاوي

\ابقى انة اسب شمات وامحيها الذنوب
لا على الفاسق دوم كل غيبة مكتوب

•
ألشاعرة هاجر ألغانمے

يوم القيامة هناك ربك يحاسب؟
ما يرضة ع الشمات بلسانك اسب

•
الشاعر علي البدري ألكيتاوي

يوم القيامة اهناك كل احنة نوكف
وربج ابهذا الحال بس هوة اعرف

[last samurai]

شكرا

[الشاعر علي البدري]

العفو حبيبي واشكرك على روعة مرورك

[دُعےـــآء]

شكراا اخي

[الشاعر علي البدري]

العفو اختي الغالية واشكرج على روعة مرورج

[اسرار بلا عنوان]

سيدي العزيز الشاعر
شكرا لك على موضوك الرائع
وبإنتظار حصرياتك وشعرك الجديد
بحيث يكون للدرر فقط
وسنترقب بشوق لقادمك
مودتي الكبيرة

[الشاعر علي البدري]

اشكرج على روعة مرورج اختي الغالية واتمنى ان ابقى عد حسن ضنكم وتقبلي تحياتي

[بقايا انسان حزين]

شكرا

[الشاعر علي البدري]

العفو يا بقايا انسان منور حبيبي