الى من كان حبيبي (((بقلمي)))
الى من كان حبيبي الجنت احبة النوب عفتة
ارد اوجهلة رسالة اتندمت يوم العرفتة
كبل كل الناس تدري
لو حزن كلي انة احزن واحتفل ساعة فرحتة
واعلك اشموع اعلى مودة وبيدي اعلكها شمعتة
وجنت اكلة انتة روحي وكتلة احبك وحدك انتة
يدري بية غيرة ابد ماعني ثاني
يدري بية الشوفتة احسب ثواني
ويدري بية
دوم اكلة انة في حبك اناني
وجان بس هوة يسولف هسة متندم سمعتة
كال عني انتة خائن واحلفت اني مخنتة
كتلة يمعود شجاك كلبي باافعالك خذلتة
اطلعت من عيني كلك وبابي ابوجهك قفلتة
جنت اريدك هسة انسة وخل يفيدك من سمعتة
حبنة مات اشلون يرجع صعبة عالميت رجعتة
انتة فد واحد اناني صدكت جذبك عرفتة
شنهو انتة
راضع اوية ابليس عود مبارك الثوب اللبستة
لان شيطاني انتة ثوبك وانة هاالبيدي حركتة
لا تضن سمك كتلني كاسك ابدا ما شربتة
انة عندي فعل ماضي رقم بس راح اوية وكتة
هسة اكثر واحد انتة دون هاالناس الكرهتة
كرهي الك بفلان اكثر رقم بس يصعب حسبتة
امشي ولي ما اريدك لان حبلك سهلة حلتة
(((بقلمي اخوكم علي البدري)))
رد مع اقتباس
المشاركة الأصلية كتبت بواسطة اسرار بلا عنوان
