شعارنا لا للطائفية
انتة منين كلي
كتلة راعية
المواقف والرجولة بكل معانيـــــــة
عراقي ومن اثبت عكالي كلة تصيح
هلة بلما يدنك من يلاكيـــــــــــــــــة
انة مالك او دورة بواقعة صفيــــــن
والسبعة الكتلهم من برز بيـــــــــــة
انة ابراهيم الاشتر صاحب العبـاس
انة راية عمامي الينحلف بيــــــــــة
انة المن اعتنية لو بدون عيـــــــون
تعرفني الكرامة منين ماجيـــــــــــة
ما ساومت اخوتي ولا بعتهم خوف
لا راح اسوية ولا مسويـــــــــــــة
انة الينكالي بلشدد يا حيــــــــــــاك
والكمة البجفي الصاحبي انطيــــةانة العلمني ابوي الوية مهما كــانما ابوس الجفوف الما ملاويــــــة
انة امي الماكدر جيرانة يفـــــــرز
لحن صوت المؤذن من نعاويـــــة
وحك الناصرية وذاك ماضيـــــــة
وحك غيرة البصرة وطيب برحية
وحك بابل دايالة واسط او تكريت
الانبار السماوة ابكل نواحيـــــــــة
وحك تاريخ ديوانية الخيريــــــــن
والموصل واهلة او ما حواليـــــــة
وحك هور العمارة وكربلة او بغداد
كركوك او وردة او كل نفس بيــــة
اضل شامخ مثل كبة علي الكــــرار
ضد الطائفية ابكل اساميـــــــــــــــة
تقبلو من اخوكم هذة القصيدة
وهي ضد الطائفية من الشاعر المبدع
(ايهاب المالكي)
تجميع اخوكم علي الكرماوي
رد مع اقتباس
