عالصبورة عيني...وعقلي كلة وياك
عين بلا دماغ.. شتجمع؟؟ وتطرح؟؟
ولأن كاعد وراي وما أشوفك زين؟
رضيت لنفسي أصير بخانة الوكح
متفوق بحبك انه مو كسلان
خلصت الدوام بوجهك أتصفح
تكتب والشعر يسرح على الوجنات
من باب التضامن أنشده وأسرح
أكطعلك ورد مثل الطفل وأهديك
وعمال الحديقة لسانهم يجرح
غلطو ، وأشتكو ، وأتعهدت مجبور
كمت أضرب حصص ووياهم أفلح
أصعد على الشجرة وأكتب أسمك فوك
مو شغلة بطر، بس ردتة يتمرجح
طردت من الأحلام هواي ناس عزاز
خليتك لوحدك تسرح وتمرح
انام المغربية بعيد درب الليل
وأمي تكلي الدنيا غروب ما يصلح
لا.. يصلح كلت .. خالفت أغلى الناس
جنت غلطان اني وأمي رب الصح
رد مع اقتباس
المشاركة الأصلية كتبت بواسطة زهرة اللوتس
