جنت صافن عليك بلحظة وداع
فجأة العمر صار كَبالي ممدود
من اللحظة الاولى البيها مريت
خذت كَلبي ومشيت بجفك يكَود
روحي الطفلة والمرجوحة ملكاك
شنو قيمة العيد وانته مفقود
على فراك الحبايب تدمع الناس
وانا بفركاك شيلت الهوا خدود
اشد الحيل وية الحيل دنساك
تالي طلعت اشد بحيل مهدود
واذا رهمت نسيتك لحظة ما عيش
لان عيش اعلا ذكرك صار مسنود
تسآلت النهر عركَان وشلون
ثاري مرتبك يمة انته موجود
عجيبة الحزن شافك صار مرتاح
عفت الفرح مرة وصار رادود
اذا فكرت تزعل تبجي دنياك
عين الدنيا غيمة جبالها خدود
كل مرة الجمال يخلي مقياس
يجي طاري جمالك يخرق حدود
اذا من لمح ظلك طاح بالكَاع
اكييد الشاف طولك وعية مفقود
ألفتك ضواري وانته انسان
واحلا من الشكر ويحرسك الدود
.........
رد مع اقتباس
المشاركة الأصلية كتبت بواسطة ذُوألـفَقـار
