هنا

[ارجع يازمان]

9-ابوذيات الشاعر حسين الساعدي-الجزء التاسع


اعزاز اعزاز ياما راحوا النه
وعليهم عمري كَله راح اونه
اشوفن للشماته راحه والنه
قهر ودموع والونه الخفيه


----------


دك الباب بيده وصاح من هان!
اَنه موجود كتله الدرب من هان
ترى اليغدر صديقه ايعيش منهان
ويبقى ابذلته اليوم المنيه


-------
حسين الساعدي
اريد اعبر شواطي النوح عِبره
على الما يوم حجيي اوياه عَبره
اَنه الما اخذت من دنياي عبره
وخليت الزمن يضحك عليه

-------


شِكَت روحي ابتوالي الليل ونعت
وتذكرت الزمان الفات ونعيت
انه المهيوب وسفة انكسر وانعت
المنية اولا الذلة اتمر عليه


-------


يل حسنك رهيب وحيل جَذاب
لكن بالوعد ياحيف جَذاب
الصخر لو يحس من فركاك جاذاب
مثل كَلبي انتهى ابونته الخفيه

-------

صرت مكسور ما جن وانتخلك
لا تحرك ابروحك وانتَ خَلك
يوم الطحت وحدك وانتَ خِلك
تشفه ابطيحتك قبل المنيه

---------


من الله الوفي عنده وَداعه
ايتقبله الله كل طلبه وداعه
لكن صعب مو هين وِداعه
امودعينه ابخت حامي الحميه


------



اَمن ايدك قيدتها الروح بسلاك
الفرح الهم صفى والحزن بس لك
ادري ابلا مرض يل طحت بسلاك
لأن ياخوي نضرتهن بليه


-------


أشلعه لو تكلكل يوم سني
وعشت وياه سوى من زغر سني
لا تسأل بعد شيعي لو سني
اسئلني عراقي وهاي هيه

---------

شجاني وخذت شوره ابيوم من شار
إوشَراني طلع ميجوز مِن شَر
اَنهَ بلوه ابتليت ابطبع منشار
كَطع دَلالي بالروحه والجيه

الشاعر حسين اساعدي
منقوول

[Daleen]

روووعات عاشت ايدك

[اسرار بلا عنوان]

فيها أبوذيتان مكررتان
أما البقية فغير مكررة

شكرا لك على الانتقاء
مودتي