قصيدة{مجروح الهوة}الى الامام ابوالفضل العباس
مجروح الهوه ياهو اليداويه
شفاف الدوه ومشوفه الانضار
مذبوح النده ومصلوب عالغيم
عرك وجه الربيع ودمع امطار
مشه العباس غورب لون الاخيام
بذيج الساعه حته البسمه احتار
المثل عباس صعبه تفاركه العين
تخيل حال زينب من مشه شصار
مشه وخطواته ما شالتهه الطفوف
خفيف الضل مشيته اطم الاثار
رسمت جفوف شفت يخضرن الجود
تخيلت العطش بعيون الازغار
كلب زينب جمر والخطوه جن ريح
تمر عله الجمر وتفزز النار
لكن تدري بيك تروح متعود
بظهرك علكت كل صفنه تذ كار
القصد بالزهره من تحلفك تريد
تكلك روحتك بضلوعي بسمار
دفعه باب حست بعدك الحال
ولطمت عين من اجفوف الاقدار
دروا بالجود شايل جنت الامال
لذلك من اجت الاسهام تحفر
شافوا ما كفاهم ماي ويسيل
رادو فوك جسمك خيل تعبر
راسك عالرمح وتخاف الاجوش
عيونك شافوا اعله الحره تنظر
عطر الهيبه جان بدمك ايفوح
الغرض لمن تشم الحره تصبر
كلش حاد صيتك ذبح اضنون
بنحور افكارهم حديته تبتر
الكمر لو غاب فجوه تصير بليل
الشمس متسد مكانه وبيهه اضن سر
عيني تعلمت يحرسهه الاهلال
تفز تلكه ابداله الليل ينطر
بكلب زينب يكافل كنطره تعيش
النفس لو ذكرتك بالكوه يعبر
رد مع اقتباس
المشاركة الأصلية كتبت بواسطة نسمة الدرر
