هنا

[أنثى حائرة]

السلام عليكم ورحمة الله وبركاته....
أخواتي أنا عضوة جديدة في المنتدى وعندي مشكلة وأتمنى من الأخوات الكريمات مساعدتي...

تعرفت على شاب منذ سنتين وهو شاب مميز صادق ومن شهر تقدم لخطبتي ووافقت وتمت الخطبة والحمدلله ، ولكني اكتشفت من خلال بعض الأحداث أنه غيور جدا يرفض أن أحدث أبناء عمي إلا للضرورة على الرغم من أنني وأقربائي قد تربينا معا اكثر من 25 عشرين عاما وهو عمري.
كما يرفض أن يكون لي أي صلة بأي شخص لأي سبب كان ولو دعت الضرورة، يريد مني أن أخبره أين أذهب في كل مرة أخرج بها من البيت مع أنني أعلم بأن ما يطلبه مني ليس قلة ثقة في بل غيرته الشديدة، وأنا بطبعي إنسانة طموحة أحب العلاقات الاجتماعية وأحب العمل، لا أعرف كيف أتعامل معه في هذا الموضوع أو كيف أتصرف ، ووصلت بي الحال أن قلت له أنني أتمنى أنني لم أتعرف به أو أخطبه ، حاولت بكل الطرق أن أقنعه أو أغير رأيه دون فائدة مع العلم بأنني إنسانة شديدة العصبية وأستفز بسرعة أحب المبادئ والمساواة ولكن على ما يبدو لن أنال أي منهما...
أرجوكم إبداء آراءكم الصريحة
شكرا

[هدوء الكون]

وعليكم السلام ورحمة الله وبركاته

جائز يتعامل هكذا من باب الحب .. لكن لاحظيه اذا استمر على هذه الحالة وبجنون لازم تقرري وبالاخر هذه حياتك
يااما تكملي معاه يااما تنفصلي ..وطبعا انا ارى كل الرجال هكذا غيورين لكن البعض منهم برغم غيرته فاهم ومثقف ويعطي خصوصيه للمرأة
يااختي حاولي تفهميه ويمكن راح يتبدل بعد الزواج ..

[بـاران]

بس هذا شي حلو ..

الغيرة من الحب

[ليليا]

وعليكم السلام و رحمة الله و بركاته عزيزتي اني اعتقد هو يتصرف هيج من باب الحب و صحيح هي غيرته زايدة شوي بس ما اعتقد بيها مشكلة اذا قبل متطلعين لاي مكان تدزيلة مسج و اتكوليلة ترة هذا شي عادي و اني من الناس ادز مسج لخطيبي قبل ما اطلع و حاولي اتسيطرين على اعصابج لان اتأذيج بعدين و اي شي تحتاجية احنة موجودين تحياتي

[سجايا]

موضوع الغيره مايعتبر مشكله وصعب حلها ..الغيره تجي من باب الحب والتمسك .. يعني هذا من صالحج ..بالاضافه الى انه حلها بالتعامل والفهم وتفسير الامور بسلاسه من قبلج ...ابتعدي عن الامور اللي تثير غيرته .. مبدئياً .. يعني لاتخسرين خطيبج بسبب امور تافهه قللي علاقاتج ..يعني مو بالضروره تتكلمين مع اناس تثيرلج مشاكل وامور ..وتذكري انتي بمجتمع شرقي ... بعدها وبمرور الايام وان شاء الله بعد الزواج راح يلاحظ انه العلاقه بينج وبين اقربائج وديه قويه وبهذا راح يتفهم الامور شويه شويه تذكري حياتج اولى من كل شي ...

ومال لازم تنطي خبر قبل لاتطلعين

فياحبيبتي الله ودين الاسلام وصى بهالشي خوما نطلع ونفتر بدون علم ازواجنا .. لا اخلاقنا تسمح ولا ديننا يعني لازم تتعودين على هالاسلوب
ولازم الواحد يضحي بامور ويستغني عنها من اجل امور اهم وافرض

[عطر اللافندر]

اختي اجمل شيئ بالرجل الغيره ثم انه لا يجوز ان تخسريه لهذا السبب حاولي فهمه وبكل الاحوال عندما نتزوج هناك الكثير من العلاقات علينا التخلي عنها لان حياتنا تتغير اتمنالك السعاده

[رحيـــل]

انا اكولج انتي الج حق وهو همين اله حق ....
اولا كل رجل يشوف شي المرأة متشوفه بطبيعة تصرفاتها لان مرات تحسب التصرف المعين عادي وبسيط ولافي اي اشكال لكن من نظرة الرجل لا وبيه مشكلة ويعرف شنو راح يكول نظيرة الرجل الاخر لو رأى هكذا تصرف من امرأة ما ... اذا كانت عندج ثقه بيه انه الشخص المناسب ويكدر يحميج من المجتمع , انصحج تسلمين نفسج اله مع شوي من حقوقج انتي .. مثلا هو مو من حقه يقطع علاقتج وي اقربائج لان اصلا حرام وبنفس الوقت انتي مو تقهقين مع اولاد عمج امامه ولا حتى من وراه الا بحدود الشرع والدين لان اكيد انتي مسلمه وتعرفين هالامور اكثر مني وبعدين مثل ماكلتلج انه الرجل يعرف الرجل .
ومسألة يغار فد شي عادي بس الرجال مايغار اذا ماشاف شي يثير غيرته .. وعلى دوامج وعلاقاتج العائلية والاجتماعية اكيد كلشي بحدوده ومن خطبج هو يعرف انت شنو طبيعة عملج .. اكعدي وياه بهدوء بجو بعيد عن التوتر كأن في مكان معين انت تعزميه . على انه تتفاهمو بأمور حياتكم في المستقبل وانت اطرحي كل ما تتمسكين بيه وبنفس الوقت هو كذلك واذا طلب منج طلب صعب عليج حاولي تفهمي ليش .. بس اكلج ليكدام مسألة الصداقة مع الجنس الاخر مرفوض لو وين مارحتي الافي حالات نادرة جدا جدا.. .. والشقى الزايد وي الاقارب ايظا شوي محلو .. كوني انسانه راقية بهدوئها ومحافظتها على شخصيتها وحياتها الزوجية لان هالاشياء تخليج تكبرين بعين الكل حتى الي تقطعين علاقتج بيهم لاجل زوجج .


...... ملاحظة
اذا كان غيور من لا شيء ... اما تتحمليه اذا انتي ترديه ,, او من الان اختاري طريقج لان راح يسألج كثيييييييييييير .
مع اعتذاري لمن يختلف معي بالرأي .

[عقيل الزركاني]

عجيب انتن النساء!
شوفي عيني الامام علي (ع) غيرت المراه كفر وغيرة الرجل ايمان .
الدين الاسلامي يوصي بطاعة الرجل لان النبي ص يقول (لو امرت احد ان يسجد لاحد لامرت المراه ان تسجد لزوجها) اكيد لمصلحتج ولتجنب الحرام والوقوع فيه وكل الاشكالات الشرعيه يجنبكي اياها ومن ثم لانه يحبك ولايقبل لاي احد ان ينظر اويفكر فيك بسؤلانك نفسه وروحه وليس كما تفكرن انتن النساء ...والكلام كثير

[fairy touch]

ما ادري ردي يجوز متأخر ..بس شفت الكل دا يمجدون بغيرة الرجل ....على كيفكم شوية ...المرأة العاقلة عاقلة ...ولوما هي من اصلها بنت اوادم ما اختارها هالشخص رغم انه مثل مدا توصفه غيور ....لكن كلشي اله حد ....و الرجل احيانا يحاول يفرض سطوة غير مبررة على المرأة و كأنما هي كائن ادنى منه مرتبة ....المرأة الها عقل و مسؤولة عن تصرفاتها امام الله و المجتمع و تحاسب على اعمالها كما يحاسب الرجل بدون فرق ...مما يدل على انهما متساويان عند الله ...و لو الموضوع مثل ما الشرقيين متوهميه انه الرجل يتحكم بتصرفات المرأة ...واله مطلق الحرية ....كان رب العالمين ما حاسبها على تصرفاتها ...لأن هي دون مرتبة الحساب ...مسيرة فقط ..
معقولة هي هيج مرتبتها ؟...
لا تخلون الرجل فوق المرأة ....الله عز وجل رفعه في بعض الجوانب لا في جميعها و ليس منها مرتبة العقل و المسؤولية عن النفس ....صحيح الزوجة عليها احترام زوجها و لكن بالمقابل يكون هو هم محترمها ....
عزيزتي ...لي زميلة دمر زوجها حياتها بسبب الغيرة ....حرم عليها وعلى بناته حتى نشر الملابس بسطح الدار ...حتى لبس (دشداشة نص ردن ) بالبيت ...رغم هم ساكنين ابيت وحدهم ...ما يصير تكول صباح الخير لزميل بالعمل ....ما يصير تشتغل بمكان بيه مدير رجل ....ترا اكو غيرة مرضية ...حكمي عقلك مادام انت عالبر ....ترا اكو رجال هواية مرضى نفسيين ...و اتمنى لك السعادة

[عقيل الزركاني]

الشريعه واضحه لانقاش فيها وما قاله كتاب الله ورسول الله وولي الله ماممكن نناقشه وكذلك لايستغل من قبل الرجال والاسلام وصى بالمراءه ولكن سوء تطبيق من قبل الرجال....