الى جمال الأحساس ... قصيدة مؤثرة جدآ...
الى جمال الأحساس ... قصيدة مؤثرة جدآ...(المتسوله) للشاعر البصري المبدع......عـلي المــنصوري......
لله يامحســـــــــنين
شمالكم يامسلمين
ضاله بطرك الشرف
والحمد لله شما عتك ما ينفتك
الناس تتباها بغناها وانه اتباها بعباتي
والله ماجنها عبايه جنها جادر
لان بيها اطفال تصرخ
متنه جوع
متنه جوع
شكد يذل العوز للعنده كرامه
مات ابونه ومابقه عله البيت حارس
عدنه بس سوره علي بالبيت زلمه
تخزر اليدخل غريب
عالمرض طب وطبيب
عالـــــذيابه تصير ذيب
ربي شكرا جي خلقتنه علي
انه بت شيوخ ربي
جان ابوي يخدر الكهوه بحسرته
ويعــــــــثر الـــــــــــزير بصــــــفنته
شال هــــــم الوادم كلاده بركبته
الله يرحم شيبته يحب الصديج
جان صاحب غيرته وضله وسبحته
ربي ذلوني عبيدك
وانته كتلي اســــــــعي واعينج
ترضى باليطيني عانه..... يكلي شيلي البوشي بيدج
والحزن يصعد بروحي
حزن ذاك الزفو كباله العشكها
ويرد خالي بلايه خل
حزن ذاك البلحرب دجه عدوه
وصاحه اخوه يكله حل
ويضل يطلب
خـل اشوف
وخل اشوف
ونار تاكلني المصايب
من بعد عين امي بس الله عرف لون الكصايب
واطب للشارع اجدي
والكه هاي الابسه تعير الستر
والكه هاي الابسه كلش كصير فوك من المستحه بشبر وشبر
ومن امد ايدي عليها تكلي ولي
وانه بس باليل اجدي
استحي يشوفون ضلي
بس شسوي
الجمال بروحي زلمه
يطكه جف العوز لكن ماخوه
بس وحق شيله رقيه طاهره مثل الهوه
طاهره مثل الهوه
رد مع اقتباس
