نزل يمي البدر من شافني ابجي عليك
وصد ليه وتباوع كالي شبيك
مكسور الجناح ودمعتك بالعين
شنو القصه حبيبك دوم ناسيك
...
وعلامك تكسر الخاطر توالي الليل
بس تبجي وتنوح وعبرتك بيك
كتله يا بدر ليش الحبيب ايخون
وليش اللي توده يريد ياذيك
وليش اللي صغتله ادموعك اكلادات
يبخل ليك دمعه وما يرويك
وليش الجرح من ينزف الم وهموم
وولفك لاهي عنك ما يمر بيك
ولا ينظر لحالك والنزفت عليه
حار ابجرح غيرك ما يداويك
المشاركة الأصلية كتبت بواسطة اسرار بلا عنوان
