هنا

[مرتضى الطيب]

شما اكتب قصايد نابعه من الروح
وبعد بيه وجع بالشعر ما مكيول
وحك كل دمعه سمره مرافكه الجناز
ووحك كاع النجف من تشتهي المكتول
انه ملبس دموعي بتوت للمعدان
وحسراتي نثايه ولابسات حجول
شما كول المصايب كبرن اعلى البال
ارد واصفن عليهن بعد بيهن طول
انه جنازه شعر بشفايف الخرسان
وانه شوغة هزيمه بطارف المشلول
يموت البس تصد للعنده سبع اطفال
خايف ما تصدلي وخاف عمري يطول
اشتهيت اشتم عرك من كصة الدفان
ونويت انشد نعش فوك الجتف محمول
طلكت الكصيبه التنظفر بالطين
ومشيت انحر الصحره واظفر العاكول
يشتمني الحزن لو روحي اضمها بطيف
فلاح ويشم عطاب بالمحصول
احب ابجي بستر بس المصيبه شلون
انه همومي غجر والدمع دك طبول
تره الضحكه الغميجه تريد راحة بال
ميجودر ضحك بشفايف المذلول
عفت شهكة اللهفه بختلة العرسان
وطلعت اتمشه شهكه بريةالمذلول
انه شايل وجه ميلوك للبطران
ويكعد للثكاله فصال عرض وطول
يالماشي اعلى كبرك اخذ عمري وياك
تره بذمتك شبابي العشته ظل مشكول
ظل واكف بعيد وكلي موتك ذاك
واكلهم اني جيت وانته ما مسؤول

[صلاح الجابري]

موجيتك اعرفك واعرف شبــــــيك
اثر جف على ظهرك ضدي مدفوع
بعد مشروع قتلي قيد الانجــــــاز
واهنيك اغتيالي خوش مشــروع
انه السويت ظهري وياك بستان
والف خنجر لهسه بظهري مزروع
غبت عني واتاني وصارلي اسنين
ويسألوني واكلهم غايب اسبوع

[صلاح الجابري]

لا تندم على أللي فات وأنساه
ترة هموم الزمن كلش جبيرة
و أذا تعتب على من تعتب تريد
أذا دنياك مغشوشة وحقيرة
خيانة وغدر سود من أعز الناس
و مرتبة الشرف صارت أخيرة
لان صار الي يوافي نحسبه غلطان
وشلال الوفاء صامت هديره
أنصحك لا تهل الدمع على الراح
وعن أصحاب الغدر وجهك تديره
والعثرة بطريقك خلها تذكار
تضل مثل الدرس دربك تنيره
ودعائي يا صديقي ربي يرعاك
ويبعد عنك البايع ضميره
وترجع لك الضحكة وجرحك يطيب
ويارب تكون هذه العثرة الاخيرة

[صلاح الجابري]

مد چفك لصاحبك ياصاحبي وصـــــاحبه
وبالك تضل بالزعل متجند وصاحــــي به
مو چان صاحب الك وانت الچنت صاحبه
وچم مره انت ملت وهو الذي عـــــــادلك
وندمان حس بالغلط ياصاحبي وعاد الك
وانت الزعل والگطع ماچان ابد عــاده الك
وأدريك طيب گلب مترد أبد سائـــــــــــلك
وميشيل گلبك على حتى الذي ساء الك
وهذا اخوك شيضر حگــــــــــــه اذا سائلك
وحگ الاخو على الاخو يومن اذا صاح به

[صلاح الجابري]

أگضي الليل أدگ باسمك على العود
وأفز من الصبح واعزف علـــــــى الناي
وأجيك من الفجر من قبـــــــــل الاوذان
وأصيح اللهُ اكـــــــــــــــبر لو گلت جاي
وأدگ بابك وأظل اذرف بالــــــــــدموع
وأشلعهن الك لو ردت رمــــــــــشاي
واذا فرحان اشوفك مدري شيـــــصير
تظل بوساتي تتطشر على إعــداي
وإذا منك دمع طاحن على الــگـــــاع
أظن تنزل سمة وتحزن علــى إبجاي
وإذا يمنتك يوم إنجوت بــالنــــــــــــار
قسم باللي خلق ماريد يــمنـــــــاي
وإذا يسرتك صدفه جاســــــــت برود
هدية تروح إلك يا خلي يســـــــــراي
عساني بلا إدين إمگــــــطع الرجلين
إذا لغيرك يصير بيوم ممــــــــــــشاي

[مرتضى الطيب]

الله عليك يا مبدع نورت متصفحي اخي صلاح

[اسرار بلا عنوان]

الله الله عليك مرتضى
قمة الذوق عزيزي
وكذلك أختيارات صلاح
كانت رقيقة وجميلة
كل الود

[صلاح الجابري]

خلـص وكـت الوفـه وبدلنـه الگلـوب
وصفـت بس الخيـانه انت الك عاده
دلينـي اعلـه واحــد عمـره ماخــان
حتى اوصـل لبـابه واطلـب مـــراده

[صلاح الجابري]

ما اريد الحياه.......رايد اعيش وياك
اقبل....بيك......يل عطرك يسليني
طلكت البشر ......فاركت كل الكون
بس وياك اعيش.......وهذا يكفيني

[صلاح الجابري]

بيــــه حســــــرة بگــــــد مواعيــــــد الغـــــرام
مــــــن أهــــــدها بــــــوجــــــه واحد يشتعـــل

وعنـــــدي دمعـــة بعينــي إذا أدنــّــگ تطيـــح
وعنــــــدي قصـــة شــــوگ أبــــد مـــا تنحمــل
...
كــــان يــــامــــا كــــان فــــي هــــذا الزمــــان
أنســــان أحـبّــــه إنطيتــــه عمــــري وما قِـبـَـل