( سراديب )
سراديب الهواجس غيم عطشانات....
وعيون الشمس تغفى بسواجي الكاع ذمه وذات....
ومغاوى الهوى ايبشر جناحي طيور... جنت الكاك واهس عيد ما عنده وجه مكروه... وايدورعذر للناس....
فضني لشفتك منذور.. غاويني وي كل دفان ...
تلكاني جرح وانسان....
وافيض اعله النوارس جنح من كل روج...
واغفه اعله السفينه شراع...
وابحر بالهوى المبيوك
من نسمة وداعك روح ماغافي بجرفهه اوداع.....
غازل كوكبي المخنوك....
حتى ايفك سما الحرمان من نزفي بحدادك كاع...
طوح للنهار بذمة المذبوح ....
وانكت ثوب جرح الصوت...
والتم بكبر ملكاك واتناثر عشك مفضوح.....
كلشي يروح ...حتى الما لكيته ايروح....
حتى ادم خريف جفوف ...
دك اول صليب لجنة الفردوس....وبشرعه الذنب مسموح...
حتى الدرب من يمشي ايعثر بالليل ...
من يصفن على بنادم...
واخذ كلشي العمر مبيوع طيف لكل جفن سلهم....
اطفيلك ضوى النجمات ..
واركضلك صبر حافي اعله جمر الحيل...
والبسلك وجه ناطور واتلثم....
نزيف مرايتي وغبشة اضماد الخيل...
راودهه الضلع مضمار ...
واتعدت عليه بشوفتك ماتم...
تناثرلي مطر تعبان...
ماعنده حضن يفتح زنوده مراد...
ويطشه بضمير الكاع خاطر يستحي ويلتم...
شلي وياك الندى يتانيك...
خايف لايجيسك كيض...
والكاك بسراب الشوف باخر شهكتك تحلم....
مواسم غربتك حيطان...
واناطر من حجي عيونك .....
تمر شوفة ضوى برمش الجفن تشتم....
الك بيه الذنب مرخوص...
ذبني بصحرتك كطرة فشل محشوم...
تروي المشترى حجايات....
واتيهلك جدم ملكاي...
من الكه بشبكتك درب متغربين.....
ماريدك هوى امنلفظ انفاس الموت....
تدريني جرح مكطوع...
ليش بسيفك العطشان كلما تشتهيني اتفوت
للشاعر المبدع وسام اسباهي
رد مع اقتباس
المشاركة الأصلية كتبت بواسطة ليلى حسين
