أبيات من الدرامي في الدلال والجرح
أبيات من الدرامي في الدلال والجرح
هاك أبرة هاك الخيط خوية اريد اكلفك إمگطع الدلال شلة على عرفك
هاك أبره هاك الخيط گوم امشي عني
لو بيه اشيل جروح جا شل هذني
حسره إلك بالدلال ظلت لما اموت مادرت حقها الناس صوابي بسكوت حسره وحدرها أحاه وبگلبي لوعة
كلما أضوك الزاد أركض وازوعة
جرح الفراك يهون عن جرح الوداع البيه دليلي انصاب يتفصل إرباع زين وتشوفة العين دلالك ارباع دلالي من فرگاه إشظف غدا وضاع متعجب أشظف صار دلالك إنتة
دلالي صار تراب والموتة سكته
متعجب بدنياك دلالك تراب
دلالي بالتيزاب ياأشگر وذاب
رش الدرب تيزاب حافي اتعنيلك چاشلي بالرجلينات الما تجيلك رش الدرب تيزاب وازرعة ألغام
يصير اللحم طشار واوصلك عظام
حط باللبن تيزاب ممنون اشربة
بس لا أشوفك يوم تمشي ويه الغربه
يسألني البطران ليش وجهك أصفر مايدري على المحبوب گلبي تفطر يسألني البطران ليش راسك أگرع
مايدري على الحلوين شعري تشلع
يسألني ابطران إعربلي كان
حسبالة مثل العام عقلي بمكانة
يسألني ا بطران تشرب عرك ليش
هم سگم هم فراك هم لوعة الجيش
من كثر حر الضلع احترگن هدومي وتسعين ناگة وجمل ماشالن همومي شحچي شگول للناس من همي شحچي
مليان بالحسرات بس آحچي أبچي
منقوووووووووووول
رد مع اقتباس
المشاركة الأصلية كتبت بواسطة اجمل انسانة
