ياصغيـر مايكبـرنـي لـقـب
وما يصغرني إذا انكرني صغيـر
ماخذينا الصيت من جمع الذهـب
ولا نسابة شيخ او قربـة وزيـر
كاسبينه من هل السيف الحـدب
الجنايـز كـان ماجـاك النذيـر
صيتهم نجم على راسـه لهـب
سمعوا الصقهان به واجهر ضرير
بالوفا تاريـخ ابيـض ينتصـب
لا حكوا بالحق حييـن الضميـر
ضيغميـن لسناعيـس انتسـب
لابةٍ طلنـا بهـا عـرش كبيـر
عند حدك ياكثيـر الهـرج تـب
لا تمـر النـار وثيابـك حريـر
كـان لـك عـز بذلـي فتعقـب
والله الا تبطـي وحبلـك قصيـر
احسبنك مـن صناديـد العـرب
واثر ساترتـك عباتـك ياغريـر
ماحسب للسوس زراع القصـب
والقراده مـادرى عنهـا البعيـر
ولو حسبنا للحسايـف والتعـب
مابذرنـا يالعصافيـر الشعـيـر
عن هلـك بـراي الله واحتسـب
الرجال اللي مجاراهـم عسيـر
من قريش المصطفى وابو لهـب
والدغالب ما غشت عذب الغديـر
للرجال مـن الرجاجيـل العتـب
والزكاة تحل فـي حـال الفقيـر
لعنبـوا وقـت غدينابـه حطـب
تحرقـه نـار يثورهـا اجـيـر
مالومك والزمن سـوى العجـب
هو بقى غير الكرامـه بالجفيـر
ما اذل وراسـي يشـم المهـب
لو بقى من شمر طفـل غريـر
ما اهاب ولا يزلزلنـي غضـب
الشجاعـه ورث العاقـل عزيـر
ياصغـيـر مايكـبـر باللـقـب
غير من هو كان من دونه صغير
رد مع اقتباس
المشاركة الأصلية كتبت بواسطة احمد 96
