ماكلك نسيته كلبي ماينساه
ماكلك نسيته كلبي ماينساهمامجبور أسولف حتى مافضحه
أكسر خاطري كدام عين الناس
بسكون أعله شفتك تنرسم فرحه
ليش تكلي مالك كلشي عندي وليش
موضوع المطالب صعب مافتحه
ألي يمك كلب بس هذا أطالب بي
وعلى حايط عشرتك تلكه أثر جرحه
يالوحة خشب روحك بجف حطاب
تاليتك حطب ماتنرسم لوحه
طعم ملحك كتلته وشيعه الماعون
وماعون الذليل بلاطعم ملحه
نام بحضن ليلك تحلم أحلم بيك
وبدفتر أحلامي تشككت صفحه
نزل وحي القصيده ورجفاني الموت
خايف جرح منك شايل بجنحه
وأدري بغار حبك غار مامأمون
وقره بأذني رساله وأوحى ماأوحى
أذبحك رادني بسجينة النسيان
وقبل يستبدلك بس كتله لاأذبحه
أنت أستبدلتني بغيري ليش تريد
واليبدلك بغيرك دوم مانصحه
عليك ألا أشتكي بس أوصل السياب
ويم جدمه المقدس أكشف أمتوني
موكتلي دمعتك غاليه أمن تطيح
وينك مودمعتي الطاحن عيوني
وأذب قلمي بشليله وأنحنيله أجلال
وأشوفه ضعوني كلها وعملة ضعوني
وأجيب الليل شاهد يحجي حال العين
السهر نيشان تربه بكصة جفوني
وأكله شكد شكيت وسد أذانه فلان
الجكاير والورق والقلم شكوني
وأكله أنزل بدر سايك عليك أيوب
أنزل شوف حالي وشوفني شلوني
رد مع اقتباس
المشاركة الأصلية كتبت بواسطة ياسين الجبوري
