السلام عليكم
اني واتصفح اليوم بأحدى المواقع قرأت هذه القصيدة المكتوبة باللهجة العامة طبعآ من منطلق(الواحد يحجي ضميره)ههههههههههه حبيت انقلهة الكم ولكن بتصرف في بيت واحد فقط ...وهي للشاعر حسين القنهراوي
رفقا بالقوارير..الكالهه المختار
هوه اللي بداهه وبيهن الوصه
عصيتو أمر النبي هذا أمين الله
عنه نكول شنهو للأمر يعصه
هاي المرأة بت وأخت وأم اولاد
وحبيبة وللرجل بس هيه التخصه
لكن للأسف بالظلم شبعن ضيم
ويشوف العجايب كلمن إتقصه
تهميش وضرب ومن القهر أنواع
وإكراه بزواج الكصه بالكصه
ومن تكله ظالم كال قوامون
مانكدر نرد ياخذنه بالخبصه
اليظلم المرأة عابد الشيطان
وويه إبليس راضع ميت الف ويخصه
زينب من مشت ويه أخوهه حسين
مارادت حسين وبيهه يتوصه
لأن زينب أخت والأخت رفعة راس
شلون الراسه عالي يعود يتنصه
ماذلت بيوم إخذوهه لأرض الشام
وأزلام النذل يولوهه بالعصه
كالت اني زينب آنه أخت حسين
ماسارت ذليله ونصت الكصه
وكفت شامخه وبحضرة إبن زياد
شهدت كلهه هاي وتعرف القصه
تحت أقدامهن الجنه يامولاي
اللي يريد يطبهه منهن ياخذ الرخصه
حكومه بلاوزارة إتديرهه النسوان
حصتهن ربع وإنباكت الحصة
تحياتي لكم
رد مع اقتباس
المشاركة الأصلية كتبت بواسطة ĔvÃņĘśĆềЙćĒ
