مثل الكمر من ينخسف
مثل النهر لمن يجف
مثل الشمس من تنكسف
وتخيل اني بدونك؟؟
.....
مصيوب وصوابي كلف
وللموت كايدني النزف
وبلحضه اشفه ونسعف
لو انته كتلي اشلووونك؟
.....
تدريني ما بدلك بلف
كلبي على طاريك يرف
شديتلك رتبت ولف
واني صبحت مجنووونك؟
.....
للياء وابدي من الالف
مانفترك جتف بجتف
ومعاهدك مانختلف
واحلف الك ماخونك؟؟
.....
من حبك انهل ورتشف
وبحضنك اازهد وعتكف
وفرش ونام على الزلف
ويدي على ليل متونك
،،،،،،،
بذهاني ياكلش ترف
شادهني ياملهم صرف
عود اني شاعر محترف
وستسلمت لعيونك
،،،،،
يالساكن بلب الحشه
يل عينك عيون الرشااا
مهما وشه الواشي اوشه
ماا احب غيرك اني
......
جدمي بدرب حبك مشه
ولجلك لكسر المجرشه
ونعل ابيها بلا حشه
وكتب شعر وجداني
......
وجهك قصيده مزركشه
بيها الشعر نشوه انتشى
الدرب جكليت افرشاااا
لو ادري تتعناني
،،،،،،
ماصايب اعيوني الغشه
شفت الوجه ابيض نشه
سنتين ابات بلا عشه
لو بست خدك اني . . .
رد مع اقتباس
