جرّوا اديكم والله ما محتاجكم
ما اتحسون.... اشيفيد احراجكم؟
كلوب مابيها امان
وينكم وين الحنان؟
كلشي فات وما اجيت ابالكم
جروا اديكم والله ما محتاجكم
.....
شيلوا احساس وتعالو احجولي
مو تجرحوني وعليَّ تبجولي
راعوا بالغير المشاعر
انجرح واسكت واكابر
بهالبرود ايتيه حته اخيالكم
جروا اديكم والله ما محتاجكم
..........
عالمسافة الشوك ينكَص لو يزيد
غير كون انسى المشوا عني بعيد
ما اريد اسمع خبر
خاف احن واقبل عذر
وخاف ياخذني الحنين لبابكم
جروا اديكم والله ما محتاجكم
..........
جروا اديكم...لحظة ..بس وعدوني
قبل تطلع شمس تنسوني
ادري ضيعتو السنين
امحاللين اموهبين
التفتو لو وجهي يصير اكبالكم
جروا اديكم والله ما محتاجكم
رد مع اقتباس
المشاركة الأصلية كتبت بواسطة عماد الحمزاوي
