نكات عراقية لا اتضوج اضحك والله كريم
محشش جاء له ملك الموت فقال له انا عزرئيل فقال المحشش والله خرعتني عبالي مغاوير الداخليه
ياباني وامريكي وعراقي كاعدين سويه.. الياباني شال ايده وكام يحجي ويه الساعه، صفنوا بيه شافو ان الساعة مالته اساسا هي ساعة وهي جهاز موبايل بنفس الوقت الامريكي راد يفيك، كام يحجي ويه نفسه.. باوعو بيه زين شافو ان احد سنونه هو موبايل وديحجي بيه العراقي استحى، كال والله لا اخربط احوالهم. شال نفسه وركعها بالكاع ركعة، خرعهم. كالوله: يمعود هاي شبيك مو فززتنا.. كاللهم : لا ماكو شي.. بس مخلي رجاج واستلمت مسج
بوش دز على رئيس المخابرات الامريكيه بالعراق ساله ليش العراقيين ينتشر الخبر عندهم بسرعه ..
قاله عندهم شفرهم شكو ماكو ..قال بوش ابي اتاكد بنفسي راح بوش للعراق وقف عند محطة غاز
وسال شايب قاله حجي شكو ماكو .....
قال الحجي والله ياابني يقولون بوش جاي للعراق
محشش اشترة سماعات وثاني يوم رجعهم سالو ليش كال ثنيناتنهم نفس الاغنية
فار سكران كال كل البزازين جوة قندرتي, التفت شاف بزون اسود كال بس ابو سمرة على راسي.
سئلوا محشش منوا اقدم حيوان بالعالم كالهم الحمار الوحشي لئن اسود وابيض
فارة سكرت كعدت الصبح شافت بزون ميت كالت اعرف نفسي من اسكر اسوي مشاكل
مره بخيل عزم جماعته على تشريب لحم لمن اكلو بس مالكو اللحم فسالو وين اللحم كال هسه من تشربون جاي الوزه قابل بي وزة
عاجل...عاجل.... نجا أبو بريص من محاولة اغتيال فاشله بعد ان فتح مجهولون النار عليه بالشحاطات عندما كان متوجها من الحمام الى زاوية الشباك وتكون هذه المحاوله الثانيه لاغتياله بعد نجاته من ماسحه كانت مزروعه على جانب الطريق
رد مع اقتباس
