(سر سر سر مكانك يصبح القبر)تداولت هذه
الكلمات واعتقدت انها سر من اسرار الحياة
فأخذت افكر بها الى ان اصبحت*
********************
********************
الله اكبر يلتحب الكرسي شوف
واشهد ان محمد كسر الاصنام
واذا اكولن علي معناهة الله
علي راد الحقيقه بدين الاسلام
ما جنه وطن لا جنه موضوع
وطن تحكم عليه امريكا بعدام
واذا ترجع حقيقه هاي الشعوب
تلكه ابن العراق اليزرع الغام
كبل صدام جان ويكتل الناس
جاهسه الوطن مابيه صدام
كرامة نفسك الغير الدول تنطيه
ولجدام الدول صرت انته خدام
ذب الكرسي منك والله مليت
ورجع للوره لا تمشي كدام
مل منه البصر فزعتنه بارود
وحك ضلع الزجيه انلبسك حزام
ها افضح اسرارك لاخطيه ايموت
لا افضح اسرارك وحجي بلعام
تعزي ابن اليهود وشعبك شبيه
ويا محلى الشهيد الجابته الشام
بس ذاك اليهودي اجابه وي هذا
اضن ملح الشعب ما غزر ودام
وتره الكرسي ابد ميفيد وياك
القبلك هم كعد وسنين ما كام
تاليهة صبح مدفون بكبور
قصتهم صفت مكتوبه بقلام
وضن جرح العراق ايطيب بشروط
اولهن تفرح دار الايتام
الشاعر سجاد الفرطوسي
رد مع اقتباس
المشاركة الأصلية كتبت بواسطة ياسين الجبوري
