هنا

[ارجع يازمان]

أظن عايفهه عالمهدي!!!
حسين الساعدي


صفت بالأه والموال
واكولن أزمة وتعدي

أثاري الأزمه ما تنكال
خلت دمعتي ابخدي

ياصوره التريح الحال!
إذا كل الصور ضَدي

وأسئلمن صَمتهم طال
خَلوني أسئل الوحدي

بقيت أستنظر التمثال
يجاوبني ابخت جَدي

اشلون اتهَيض الزلزال
وخله الكون متردي

قرض كل دينصور الجال
يمشي ابزوده متحدي

أشو هسه أبد ماكال
لازم بالقرض نبدي!

اشبيه ما عاين الاطفال
دَم النحر متبدي!

وشِجَم دينصور العال
والزلزال متهدي!

ابتكفيري فتى الدجال
اليكتل عشرة من عندي

يلكه نفسه هالكَتال
ويه النبي متغدي!

تفتيها لحايا اطوال
ياهو ايحب علي يحِدي

إشبيه زلزالنه ماصال!
أظن عايفهه عالمهدي
أظن عايفهه عالمهدي


الشاعر حسين الساعدي
راق لي

[علي الازيرجاوي]

تسلم يا راقي

[ذُوألـفَقـار]

روعه