ني احبك حيل من كل كلبي احبك
وانته ابد متحبني تاليها عفتني
اني احبك حب يتيم لحضن امه
وانته شوف بظهري كم طعنه اطعنتني
اني ماينطيني كلبي وماازعلك
وانته كل ليله التمر بيها اجرحتني
صعب مثل الموت مر هجرك عليه
واحس بعدك جثه يوم الفاركتني
رحت عني وماحسبت حساب حالي
ارحلت عني بكل صلافه وموتتني
حبي جان وياك حب صافي وعذاري
وانته حبك بس دغش وبيه خنتني
روح الله وياك بس خلي بحسابك
الي حوبه بذمتك يالعذبتني.....
منو گال الزعل والبعد ميفيـد
اصلا بيه فوائد واحنه غشمه
اكو انسان يمك عايش سنين
ويبخل بالمحبه يگول كلمـــه
واكو عنك بعيد وعايش ويــاك
يفهمك من بعيد انت وتفهمه
ما صدك تحبني اليحب ليش يروح ؟
وليش بنص طريقه و يخلف بوعده
مو هيج العشك خليني افهمك زين
عقلك ما فهم معنى العشك بعده
اليحب ينتضر .ويموت حت يعيش
ما يترك حبيبه بنص الم وحده
سالوني الخلك هم عندك انت احباب
كلت واحد حبيبي وماريد اكثر
تعرف ليش احبك راح اكلك ليش
لان انت النفس وبلياك ما اكدر
انت النفس ليه واظل عايش بيك
ومن تطلع تظل الروح تتحسر
عـــلى طــــآإري آإلـڪــذب لتڪمـــل آإرجـــوؤڳ
تـــرى آإلفـــيل آإستحـــى مــن ڪتـــلي آإحبــڳ
.
مو شغلة جرح وتگول راح يطيب
بس شغلة گلب مايقبل بغيرك
ظنيك وفي ... وخيبت الظنون !
مو شرط اليعوفك يعني ناسيك
يوسف عاف ابوه لخاطر الله
سوالفنة القديمة التارسات البال
بعد هالفركة هم بعدج تذكريهن
تعال ومر علي حتى لو رمضان
أشوفك عيد كَبـــــل العيد وافطر
حتى صيامي يفرق عن الاسلام
حسب جيتك يجوز يطول أشهر
