انه وليلي وصفنتي وعتبة الباب
ننطر جيتك---- ها-- ماتجينه
انه وليلي وصفنتي وعتبة الباب
ننطر جيتك---- ها-- ماتجينه
مثل كلبي بعد ماتلكة يفلان
عمت عينك اذا ضيعته منك
مشكله التحبه يصير مغرور
ومن تعوفه يااخي يصير لزكه
فســرلي غيـــابك شــــــنو معنااه
حتى اعرف عليمن باقي بجروحي
وشنو نوع الهجر احجيلي عالمكشوف
لتضمضم عليه مو طلعت رووحـــــــي>
يكلي أصبر..ولك شأصبر
اخاف من الصبر أكفر..
جسر والناس عبرتني
بس انه حرام اعبر..
اريد احجي حجي المجروح
وادري حجايتي تعور..
وينة المايخون الزاد؟
او وينة الوفي المايغدر؟..
فتت سوك الوفه وياحيف
لكيته معزل ويصفر ..
تلعب على اجروحي ..وتضحك ومرتاح ..
وأنا ابطيبة گلب .. احمل جراحاتك ...
واضح ويه غيري ..وغامض انت وياي ...
اتمنى اني غيري .. واحوي ضحكاتك...
بس راح اني اعوفك ..وانشغل بالروح ...
وما تلگي غيري من يمسح بدمعاتك..
مدري الدنيا وكفت لو خلص صبري؟
ضايج؟ مختنك؟ مشتاك؟ ما ادري
الك صوره قديمه النحل يمه ايحوم
عسل ينكط جمالك حتى بالصوره
امك من كثر كعداتي بالباب
انطتني ربع حسبالها مجدي!
وسط گلبي يظل طابع وسمهه
عسل صافي حلو مرهاوسمهه
صفيت متيه باسمي وسمهه
لان هيه النجم واني الثريه...
