موكافي حزن موكافي عاد دموع
ياكلبي اليحبك عافك الوحدك
لاتنزف بعد بطل تحب وارتاح
حلو يعني الدمع من يجري بخدك؟؟
لاتأمن شمس لوجان طبعك ماي
اذا تكلك اشيلك يمي وتصعدك
لان صدك بخارك من يصير غيوم
ماي اعله الارض متندم تردك
ضم وردك بعد ليشوفه هذا وذاك
وبحجة يشم يكطع نبض وردك
ياكلبي اليحبك خله بيك جروح
ولزم كل ذكرياتك بيهن يجلدك
فرش كاعك جمر من واعداك اتطير
وكص اجناحك وفوك الجمر هدك
مرات الزمن ما ينصف ويه الناس واخاف من الزمن وياك يخذلني
ما اكلك ابالغ من اموت عليك بس الايام تمشي وبيهه جربني
لحد كطع النفس راح ابقى آنه اهواك وغيرك للابد بالدنيا ميهمني
امنيتي آنه اسعدك يا أعز الناس بس شلون وآني الزمن ظالمني
وحك ربي الخلقني مانسيتك يوم
ولاغيرك اجه عالبال ثاني
ياقصة عشك يرسمها دمع العين
مكتوبة احبك داخل اجفاني
يالساكن اعيوني وبالكلب موجود
ياقاهر جروحي وباعد احزاني
مو بس احبك مووت .. امووت اعليك
واتخبل يجيلك يوم تنساني
كالو تريد تروح وتريد الوداع
جاغير اشيل الكاع والزكهه بالكاع..
كـآلولي روح بعيد وانسى التوده
كلت البعد شيفيد مو كلبي عنده
هو الكلب والروح وبقلبي ساكن
هو العطر الي يفوح بكل الاماكن
تمنيتك لجن بُعد المسافات
حبست بالكَلب كل الاماني
يالمهاجر عُمر وسنينه لوعات
ولك شيصير لو اشوفك ثواني
اشتظن ابتسم وانت ابعيد هيهات
الضحك ودعني بعدك ما اجاني
ضل بس الجمر ودموعي جَويات
بعدك حيرة محتار ابزماني
اَضحك بالجذب لو شفت شمات
وكولن هسه يرجع ما نساني
بس المشكلة بعيوني دمعات
بس يحجون باسمك ابجي اني!
تعال اترك الغربة وبالكلب بات
ترى هجرك حبيبي عذباني
ذا مرك عسل...جا حلوك شلونة؟
واذا حجيك همس..جا همسك شلونة؟
احتار بجمالك مدري بيك احتار
ويحيرني العشك وافكار مجنونة.
يارقة طفل يا اعذب النسمات
يادكة كلب بضلوع مدفونة.
حلو كلك وياحلو كل البيك
اليشوفك بعد ماترمش عيونة.
هنيالة التفكر بي بين الناس
واليكعد بصفك والله خيعونة.
اذا عل شوكـَ اني هوايه مشتاكـَ
واذا عل بُــعـــد صدكني ماطيقـه
اقســم بيـك مـا اتــمنه الفــــراكـَ
ولا ودي ابــتعـد عـنـــك دقـــيقــه
شجاك؟ اتسودنت يا وطن؟ شنهي شبيك؟
بيك اليمة كلهة وشعبك ايعاني
الطايح منذبح والوگف هم مذبوح!
ماتعرف المجني عليه والجاني؟
منصوبة الچوادر مارضت تنشال
... ... إذا ينشال چادر ينصب ثاني
دفانة شكثر ما گاموا يلحكون
حتى العدل يصرخ وين دفاني؟
ومراجيح المنطقه ماكو بيهة اطفال
واطفالك خطية لعيدك اتاني
