هنا

[علي الازيرجاوي]

انه بنادم صدك ما حط لظهري جناح

اذم واكره واسولف واحجي كلشي الجان..
وما خطط لضحكه ولا لدمعة عين
ولا احزن جذب حتى انعرف انسان..
من تصهل ضحكتي اعبر لذاك الصوب
ومن تنشغ دمعتي مناشغ المعدان..
على الفطره من اسولف ما تهمني الناس
ولا ادور صداقه بكعدة الديوان..
وتره اليغلط بحقي انطي وجه عريس
يحس زافوف اريده ولا يحس غلطان..
متناقض لان عايش طبيعي وياك
الما عنده تناقض هذا مو انسان..
تجيني ايام احن لريحة العاكول
وتمرني ايام اذوب بريحة البستان..
وتصح مرات امر نسمه بصدر فلاح
وتصح مرات اشح بشهكه عل الغركان..
انه غير السمار بوجهي مامش لون
وتجيني سنين اتيه وتطك بيه الوان..

[كبريائي قاهرهم]

الله على تألقك الدائم
سيد الانتقاء كالعادة تمتعنا
بجميل ما اتت به يداك
لا حرمنا القادم من شيق جديدك
خالص الود وباقة ورد

[علي الازيرجاوي]

انت هنا
عنوان العذوبة والشجن
فلك الحب واشراقة
يا غالي تؤام الروح