هنا

[الشاعر صقر الذهيباوي]

أشوفك بالعقل صاير عديم إحساس
وباحساسي أشوفك تشبه إحساسي ..
وبنيت براسي دنيه إچبيره حتى انساك
وصرخة گلبي صعدت فلشت راسي ..
وخاطر ما تذكرني بهواك الناس
خذت روحي وعشت وي ناس مو ناسي ..
وخاطر يحن گلبي وارجع آني أشتاگ
نخيت أنفاس روحك تمر بانفاسي ..
وحاير.. مدري أعوفك؟ مدري أظل وياك؟
مدري أنسه المضه؟مدري أصبر إعله الجاي ..
مثل شجره العقل ويشوف جيتك نار
ومثل ورده الگلب ويشوف جيتك ماي ..
وناسيك آني والله..و والله ماناسيك
ما چذب عليك ولا تحير وياي ..
گلبي يگول كلمه..وعقلي كلمه يگول
تطلع هاي ساعه وساعه تطلع هاي !!!

[علي الازيرجاوي]

دائما تتحفنا بماهو جديد ورائع
دائماً تلقي بنا بين أحرفك الرائعة فنسبح خلالها
وتنتهي بنا الرحلة على شواطيء كلماتك المنتقاة


أبدعت سيدي .. ولا غرابة في ذلك ... فأنت المبدع

[الشمرية]

جميـــــــــــــــــــــل

[زهرة الشمس]

جميل
شكرااا

[اسرار بلا عنوان]

الله الله ياصقر
اختيار رائع وجميل
دمت بهذا التواصل
لاحرمنا اختياراتك
لكَ الفرح

[ايليتا]

أحسنت يا ملك الإحساس الراقي فقد صورت بكلمات بسيطة مشاعر عميقة