هنا

[ياسين الجبوري]

علي وتضل عالي شمس بسماي
ياهو اليسمي بعد اسمك يَسَماي
اشرب ابعدك حنضل وسماي
عزيز الكوم تبقى للمنية

[علي الكرماوي]

ما اعاتب بعد خايف عليك اتموت
لان مجرم عتابي اوبيدة سجينة

[ياسين الجبوري]

اطعن حبيبي فداك الروح
شتسوى العيشا اذا ماتعتب عليا

[علي الكرماوي]

مو بس المسدس للبشر كتال
اكو كلمة عتب من صاحبك تكتل

[علي الازيرجاوي]

على باب الجرح قطعه اني دكيت

مات الحب اثر حادث شماته

[علي الكرماوي]

طلع شامت يكلي بنص الكبور
ما عندك اهل شو محد يزورك

[ياسين الجبوري]

انا اهلك انا صحبك انا خوانك
ورد للشامت ادفنة بنص الكبور

[ياسين الجبوري]

عود انت التحبني وانا حدك
وبالبعد لسانك سيف حدك
كافي خيانة اكضب حدك
عود تصير ظلمة لو ازعل شوية

[علي الكرماوي]

شلع كلبي غيابك وانتة مرتاح
اذامرتاح فدوة ايروحلك كلبي

[August]

اعتذر لصاحب الموضوع ومن المشرف علي الازيرجاوي
سألغي تثبيت الموضوع لمدة 3 ايام فقط
حتى لايتم الخلط بينه وبين مسابقة اجمل ابوذية
وساعيد تثبيته ان شاء بعد انتهاء مسابقة اجمل ابوذيه