بشارع اظلم وحدي واكف ........ واجاني شايب وكام يسئل
شنو يعنيلك صديقــــــــك ....... كتلة صاحب ومايوم ينمل
كلي بس وضحلي اكثــــر ....... كتلة دلاني الدرب خلاني اندل
كلي داسئلك صديقــــــك ...... كتلة خوية وماشفت فد يوم اجمل
وليدي داكلك صديقـــــك ...... كتلة غالي وكلبي من فركاه ينسل
يابة يمعود صديقــــــــك ....... كتلة ظلعي وعقلي بيه احرم وحلل
كلي بس احسبهة زيــن ....... كتلة وين تريــــــــــد توصـــــل
كلي مخدوع بزمانــــك ....... كتلة عمـــــــــي ممــكن اسئــــل
شنو يعنيلك صديقــــــك ......... كلي خاين وبظهري ثبت المنجل
كتلة بس وضحلي اكثر ......... كلي اسكيلة عسل يسكيني حنضل
كتلة دا اسئلك صديقـــك ........ كلي حاقد واليريدة ايشوفني انــذل
عمي داكلك صديقــــــك ....... كلي بس انــدار ضل يشتم وينعـــل
كتلة صديقك مو عدوك ....... كلي كيف من طحت وبحزني هلهل
هذا واقع كل صديق وارد انصحك ........ وما ريدك مني تزعــل
لان من كلمة صديقي شاب شعري ...... انكسر ظهري دمعي وشل
انة وكتي وصاحبي خلصو عمري ...... لان صاحب بية يغدر وكتي بدل
وفكرت بحجايتة وطلعت صحيحة ... واتضح صاحبي دور الصديق وياي مثل
لان من وكتي حلو يمي لكيتة ........ ومن افتر عكس بابة قفـــــل
لان وياه اني اضحي افدي بروحي ...... وهو سجين الغدر منه تنسل
ولان واكف وي اليذبوحون ....... بيده السجين وعل الذبح كمل
رد مع اقتباس
المشاركة الأصلية كتبت بواسطة ذُوألـفَقـار
