الهوه يحركني وانتم كلشي متحركون
واگف على احساسي الماوگـع بعـده ,,
حال الگصب عشتوا على وشالة ناس
لــو فـراشــه يمـكـــم چـا گـلـت ورده ,,
الشبه لون الذهب مومعنه غالي يصير
اگراب وسيف يطّن لمعـه هــم وحـده ,,
الفعل تقيـيم يگطـع كل لسـان يطـول
أهنـا بالسيـف تنحـل والغـمــد شــده ,,
اليذب بنص بحر شصه ويه فكره بعيد
أبـرايــه الصيـده تكـبـر لــو بعـد مــده ,,
آنه مــن الجــرف صايـد هــواي اكبــار
والشـاهــد مـثـلـكـم عـفـتـه يتـعــده ,,
لگه اهوايه فراغ الصدى وبيكم عاش
انه المفروض اعوفه الكلشي ماعنده ,,
بكـل صـدر وعجـز بالـذلّـه تنسحـگـون
مـاي اسـود وجـهـكـم مـو خـجل نده ,,
المغـفّـل يـقـتـنـع لو قـنـع هـذا وذاك
مـو مثـل اليـشـوّف طـيـنـتـه بـخــده ,,
نقص بأفعالـكـم والحچي يـطول اهنا
والمـوظـوع جـاهـل عقـلـي موگــده ,,
صلافة عينكـم طفّـت عيــون الذيــب
مـا گـابــلـهــه دنّــگ والـخـجــل رده ,,
هيبه الگصر واظـح بيـنـكـم من فـات
مابـيـنـتــوا يَـمـه وظــعـتــوا بـســده ,,