هنا

[بنت العراق]

عندي خدود عـود وعندك انت خدود
وعندي عيون عـود وعندك انت اعيون
صوره بعيني الك شايلهه صار سنين
ماشالت اختهــــه عيون اليرسمون
مدري شلون تحجي وتمشي مدري شلون
سرك كـــون اعرفه بياكتر مدفون
شايل خلك ميت حته مـــن تختاض
اتشتم بيه واضحك غير تضحك كـون
تاخذ كلشي مني ومني كلشي تريد
واطيك برضاتي وانــه الك ممنون
ولوكتلك اطيني بوسه كتلي منين
خاف اطيك بوسه واهلـي مايرضون
واهلك فكـر عدهم يرفض التقبيل
والاحجــار الكريمة انبوسها ايزعلون
ساهون بحلاتك سحـــر خله الناس
عــن وكت الصلاه لمن تمـر ساهون
المثلك لوكعـــد مايكعد اعله الكاع
لازم على الراس وتكعــــد بماعون
اكبال عيوني جابك ربك وخـــلاك
وحته اكـل بروحي اعليك حطلي سنون
ظل بالبيت فدوه واستر اعله الناس
مصير الناس كلهـه بطلعتك مرهون
من تطلع عليك الناس (هيج)تصير
وهـم كلي استقرت دولة القانون
يايوسف زمانك والزمــان الراح
والراح بحــلاتك ماشفت مزيون
ريج الكـاع ينشف من تمر زعلان
وتخضر حسافـــه بجف اليزرعون
مثل حسرة زليخه بكلبي حسره اعليك
واكثر مـن زليخه بكلبي شلت ظنون
عجاف سنين يوسف مـن اعدهن بيك
سبعه اسنين يوسف وانت سبع قـرون
لاهلك رحمة تنزل بيه لــو مريت
واهلي بنص جهنــم لازم يمرون
يحفرون بنهر للمـــاي مايدرون
عشر سنين صــار بمكبره يحفرون
على متون الشواطي اسمك كتبته تعود
وغير همـــوم صدك ماتشيل متون
اليبجون ..شكثر ..كل ظنك ايحبـون
اليبجون كلهـــم كبل مايبجون
بس انه وعلي ومن ابجي تدري شلون
عليك بوجهي اصـلا ماتظـل اجفون
كــل مجنون ليله اببالك امخليه
مـــن توكف اببالي مايظل مجنون

بنت العراق

[Daleen]

ننتظر جديدك من الاختيارات المميزة
ودي وتقديري لكِ

[الزاملي]

شدق المعاني ينثر عبقه كما ينثر الشهد جماله
بحروف لاحت خيوط مملكة الاحساس ,

ارتسامات احرفك ِبزوخ الفجر
وزقزقت العصافير

الاصح منها ان تكون بزوغ الفجر وزقزقة العصافير .
أرجو قبولها بطيب خاطر وحسنُ صدى ,

فلكِ احرفٌ جميلة لاعدمنا ثرائها .

تحيتي وودي .