ماذنبك ياااااعراق وماذنبكم ياعراااااقيين
امهات واباء مفجوعين بابنائهم ...... زوجات ارامل ..... اطفال يتامى .... واخوات محطمات القلوب .....
هذا هو عراق اليوم ولاذنب لهم سوى لايوجد راعي مسؤول عن رعيته..... ذنبهم الكراسي
والمناصب لك الله ياعراااااقي ....لك الله اللهم ارحم شهدائنا وصبر قلوبنا وارحمنا مما ابتليتنا ياالله يارحم الراحمين ......
مر بينه اوخذاك الموت وتعده
ياموت اعلى هونك سيفك اشحده
احباب اوكعدنه اوكلنه ملتمين
طبيت اوخذيته اوخربت الكعده
تطب دومك غفل يمفرق الاحباب
وتخلي الناس كلمن دمعته ابخده
شاهر سيفك اوتفجع بالولايات
ولا فديوم سيفك بايت ابغمده
وياموت اعلى هونك تدرى بينه اضعاف
لوماتنه واحد حيلنه ايهده
وياموت البشر من عاطفه اواحساس
من دم اولحم مو من صخر جبده
ولوماتنه ميت مو سهل ننساه
تذوب ارواحنه وتتكطع الفكده
اواحدنه كضه من مرادف الصدعات
جثيرات النوايب ضاعت العده
والراحل تركله بكل كلب بصمات
بذر بذرة محبه وشجرته امورده
سوا ليفه تدور بكل ركن بالبيت
وحنيته تداوي الجرح وتشده
يا سلوة هلك ما اضن لينه اتعود
واضن مهرك خذاك اوما بعد رده
وضلينه نتاني امجذبين الصار
اوئيسنه صدك من طالت المده
والدفان راجع وحده ابنص الليل
وصعبه على الدفان من يرجع ابوحده
رد مع اقتباس
المشاركة الأصلية كتبت بواسطة اجمل انسانة
