اريد اكصد لبو السجاد .... وعن همومنه احجيله
ضاكت بينه هالدنيه .... ودمع عيوننه نسيله
..................................
اركض جاي ازور حسين .... وبروحي الطريق امشيه
واوصل لكربله بلهفة .... مثل الضايع والكيه
ماجاي ارد ابوس الباب .. ولاشباك اجلب بيه
ولاعندي دعاء اقراه ... واوكف ساعتين ادعيه
ولاعندي نذر وانخاه ... ومن ينطي النذر اوفيه
رايد من كرم جده ... حزن كلوبنه يزيله
..........................
اريد انزل لكبر حسين ... اريد هناك اعاين ليه
اريد اكعد كبال حسين .... وشعندي هضم احجيه
اريد اوكع على عتابه .... واحط خدي على رجليه
واشك ثوبي واشيل تراب... لو شفت التراب عليه
كلت بلجن احب صدره... واشم كبره واحب ايديه
وانعي طفله المظلوم ..... واقبَل ايده وابجيله
رد مع اقتباس
المشاركة الأصلية كتبت بواسطة شاكر زايد خليف العتابي
