كالو مرتبك حقهم ميدرون
ارجف لان من فركاك موجوع
الالم لبصدري لو بالميت ايصير
اليمر من كبره يسمع جثته اتلوع
ملكاي وشهر تموز خوان
وقميصي المن ثلج بس البسه ايموع
وحكك لو تمر من شدة الشوك
اذا ميجوي زندك زندي مرجوع
ترى وجه اليفارك مثلك ايصير
مثل وجه الطفل لمرافكه الجوع
ابكثر ماكلبي شيب من وره اجفاك
ميتفرزن صبح من بين الاظلوع
وطيفك من يجي صار اعله الاعيون
ميرجع اله يشرب منهن ادموع
انكطع نفسي وعكدته ابحسره وب اه
امس لمن عفتني وصرت مفجوع
تريد انساك كلي اشلون يفلان
وانه ابجف ضلي خصرك بعده مطبوع
اشعجب وي غيري تمشي وماكلت عيب
فتت من عندي راسك فوك مرفوع
نسيت الماضي والعشره الاصابيع
الك من اشعلتهن يسمر اشموع
منو ابكدي يحبك واني بجفاك
انامن يوم واحد وسهر اسبوع
يافتوه التكلك نام مرتاح
اذا خلك علييه النوم ممنوع
تعال وجيب راحة بالي والحيل
يل جنك هوى وعن ريتي مكطوع
شلي ابعيني اذا متشوفك ابيوم
وشلي ابصوتي اذا بذنك ممسموع
وشجا كلما انطرك يصفن الميل
اريد اعرف عليه امنين مدفوع
اليشلع كلبي رايد هسه غلطان
انه امن ازمان كلبي وياك مشلوع
الشاعر: علي داخل
رد مع اقتباس
المشاركة الأصلية كتبت بواسطة ورده علي
