أشبدّلاك؟ ياللي كلبي وروحي وعيوني فداك
أشبدّلاك؟ ياللي كلبي وروحي وعيوني فداك
يالذيذ الطبع يالكلبي اشتهاك
سامع احجايه حجيت انه وراك؟
لو عرض شامت ابدربك
لوفرد واحد نهاك ؟
لو جزع كلبك عشرتي
وهاذه كل حد مشتهاك ؟
لو الك نيه تزيد الطين بله
وتسحن اهروشي اجفاك
ردلي ابلهفة الخاطر عزيز ومن رضاك
خلي كلبك مثل كلبي
اشما يمر الوكت ذاك انت هذاك
خلي روحك مثل روحي
لو نكص مني الصبر كالتلي هاك
خلي عينك مثل عيني
اشما يبضعها السهر تتكحل ابكحلة غواك
خلي كلبك يعرف ابمعنى العواطف
حتى كلبي يشتريك اشما يسومون ابغلاك
يل أحسك دنيه طرزهه العشك وبروحي حاك
يل أوجدك ضوه ابدربي اشصارلك منهو الطفاك
يل أشوفك طيف ما مريت كلي اشعطلاك ؟
يالهويت اكليبي انت
حلفيته.... وحلفاك
يالشريته وشتراك
يالكلت هاذه الحويته ... تالي بين ما حواك
والله بويه ما اظن فد يوم كاسر خاطرك لو عانداك
ولا اظن بالدنيه احد بالدلال مثلي واحد دلّلاك
ولا يذكرني الكلب فد شي حجيته وزعلاك
سايم الله اعليك كلي
سامع احجايه حجيت انه وراك ؟
لو عرض شامت ابدربك
لو فرد واحد نهاك
لو جزع كلبك عشرتي
وهاذه كل حد مشتهاك.
رد مع اقتباس
