TODAY - December 19, 2010
يا ليل طول ساعاتك mp3
الحاج ابو بشير النجفي
يا ليل طول ساعاتك يا ليل احمل آهاتك
لو وادعت الوليان تتولاني العدوان
طول ياليل الوداع اشما تطول اوياك اساهر
ماآمل من البواجي حتى لوتعمة النواظر
احسين بس هاليلة يمي ماتشوفه اعيوني باجر
صدقني ياليل القهر ياريتك اطول دهر
خايفة من اشباح القدر خاف اضل مكسورة خاطر
ياليل ارحم دلالي*** ياليل ضاعت آمالي
آيدهري الخوان تتولاني العدوان
***************
آنه ياليل العقيله زينب المعروف خدري
طولي ماواحد الشافة اولاستر يوصل الستري
لكن ياليل اشبدية سلمت للقدر امري
دمعاتي يبسن بالجفن من يطر مسباح الحزن
بطفال وبعيلة امتحن والله ماينحمل صبري
ياليل كافي اتروعني*** ياليل صبحك افجعني
لونزلوا للميدان تتولاني العدوان
***************
والله خنقتني العبرة اشلون اوصف هالمسيه
مثل سرب القطا طلعت للوداع الفاطميه
ريتك اتشاهد بناتك علي ياحامي الحميه
يندبهن احسين بمعن كلهن فرد فزعه افزعن
ويا الوالي يتوادعن هاي روحه ابلاي جيه
نسوان ياهو اليحميهن*** لوراح عنهم واليهن
يقبل داحي البيبان تتولاني العدوان
************
كلمن اتعنت وليها تهل دمع الحزن يمه
وسكنه لحسين ابو اليمه راحت بلهفه تشمه
و ليلة الآكبر ولدهاهوت فوقه تصيح يمه
و رملة وياجاسم جاعدة تضفر اجعوده
اتناشدة ارحم دليل الوالده وللصدر قامت تضمه
جاوين ياوليدي الشمعه*** جسام شوصارت دمعه
فقدك موبالحسبان تتولاني العدوان
***********
آه ياحال الرباب الحنت النوق البجيها
تعاين العبد الله طير الجنة نايم فوق اديها
يفز لو رادت ترضعه من يروح يدر ثديها
متهني ابنها ابنومته خافن يفز لو رضعته
قامت تصد لرقبته وصاحت وفقدت وعيها
جاليش يبني يذبحونك*** سباح قلبي ايقطعونك
جي قلت الهم عطشان تتولاني العدوان
***********
زينب العباس اخوها اتعنت اوقامت تناشده
خويه بيه اشلون باجر قلي ياراعي الموده
ياكفيل الضعن ضعني للوطن ياهو اليرده
عباس انت الي قلت وياي قومي وآمنت
يالاخو وبيه اتكفلت اشلون توقع بكتر
عباس دقعدحاجيني*** عباس وين تخليني
آختك ياعالي الشان تتولاني العدوان
**************
تستطيع تحميل القصيدة كصيغة mp3 على الرابط ادنا:
رد مع اقتباس
