تعودنه على البواري خوش عاده اليوم **واضنهه الشغله صارت حيل عاديه **
كاشخ آني جاي وبالعجـــــل طبيــــت **وشفتهه كبال عيني تدخل الكليـــــــه **
حجيت وياهه آني وكتلهه معجب بيــج ** احبج والله احبج وصافيـــه النيـــــه **
أشو دلغمت وجهه وعبّســـت فد نوب **وكلت بكلبي جنهه انلاصت عليــــــه **
روح بعيد كالت ماني بخلـــك عشـــاك **اذا انته التحبني آنـــــي شعلـــيــــــه **
مو بوري ابو الانج ضربتني ابو الانجين **وضربتني على راسي ضربه حربيه**
واظن اثّر عليه البوري كلش حــيــل ** وشفت الناس تركص كلهه جوبيــــه **
وبعد الضربه أحس الدنيا عوجه وياي **وأظن صابتني يمكن هويه شرجيـــه **
فتت يم العميد وكتله هاي مستر جون ** والدكتوركتله شلونج خاله سعديــــه **
ورحت عالكشك مدري شجاني اليوم **أعاين عالجبس حسبالي شـــاميـــــه **
أكبر زوج والله اللي يصارح اليـــوم ** وأغــــم كـلـش أغـــــم اليصارح بنيـــه**
( منقول من زميلي )
رد مع اقتباس
