تيهتك بليل وعفت سري ببير ..
تمر وكت العطش من يمه ناس اغراب !!
نسيت سؤالفك لهيت عيني بنوم ..
كَلت ماريد اشوفك والحلم دك باب ..
مسحت اثارك من الليل والصفنات ..
ما ادريك بيه بلا اثر تنجاااب !!
احلي فراك وجهك والمروره تزيد ..
يالمدفون بيه بموتتك تنهاب ..
يالمرافك جدام العمر حدك وين ؟؟
يحرف الياء بين الشاب والشياب ..
عشت حاله تناقض بالخريف تضيع ..
هلي مره انه اشوفك مره ناس اجناب !!
احسبلك تجي واتحزم الملكَاك ..
وارد بطرك روحي وظني بيك الخاب ..
وامر بموادعك واترجه دمعه تطيح ..
مابياش دمعه؟ موادعك جذاب ؟؟
ابوس ايد السهر عن لا اشوفك طيف ..
واغفه بلا وعي بوجه الشمس لو غاب ..
اكتب عالشجر ذكرى على طاري الشوك ..
واكسر بيدي ارد كل غصن صار كتاب !!
حيرت الشجر بجفوفي عيشه وموت ..
جف للذكرى تكتب جف صفت حطاب ..
بست خد الورد وبروحي كبت نار ..
من عطر الورد شميت بس عطاب !!
تعبني الدرب وشلت حيلي وياك ..
لا عندي خلك لا بيه حيل اعتاب ..
هوسه بروحي كل صفناتي تتنخاك ..
على جره النفس عالن بروحي اضراب ..
يوميه اشيع حلم بي بصمات ..
منك يالمفارك ماخلص لحساب ؟؟
صلاحيه العشره شكد تظل للموت !!
شلون وي المفارك دون اي اسباب ..
هم يتحاسب الفاركله خل هناك ؟؟
خلف الله جهنم على افراك احباب ..
رد مع اقتباس
المشاركة الأصلية كتبت بواسطة الفهداويه
