ماظل رأي
.............
الدنيه حظوظ..
والحظ ماكعد وياي..
سنيني مرادم من اصباي..
من وشل زماني شنتظر بالجاي..
الوكت عده... العمر عده..
مااثمر زرعنه السنبل بلا ماي...
حجي البطران مايرحم...
يغيض اهواي..
فلاح الورد لو ذبلن الوردات.
يعرف ناي..
يظل مهموم صحره الدنيه..
ماكو افياي..
ماظل رأي.
جم كيض الكظه بلوعات
شترجه بعد بشتاي..
والحظ ماكعد. وياي..
تنشدني...
شكلك عالسده بدنياي..
صحباتي بزماني اليوم..
همه اعداي..
البديه اثنينهن جنت اني اشربه الماي..
عني ابعيد شال..
ونكر ذاك ارباي..
ماظل راي شحجيلك بعد..
والجدم جل اهواي..
رك الشوف....
من صوته اميز الجاي...
الدنيه حظوظ..
والحظ ماكعد وياي....
.....................؛........................... .......
بقلم ابو عقيل الدغاري المطوكي
رد مع اقتباس