قصتي مع الاعلانات المنبثقة
شلونكم ...
قبل كم يوم واني اتصفح الفيس .. لكيت شخص ناشر بصفحته رابط تطبيق رياضي .. ولان التنزيل عن طريق كوكل بلاي .. ما اهتمبت لفحصه .. نزلت التطبيق وصارت تظهرلي اعلانات كل كم ثانية دورت على التطبيق مالكيته بالموبايل .. حتى من اغلق الواي فاي ما تتوقف الاعلانات سودني .. الا رحت للتطبيقات وحذفت تفضيلات التطبيقات الا اتوقفت كم ساعة ورجعت .. نزلت تطبيق دكتور ويب هذا
وهم ما فاد
اخيرا لكيت طريقة وحبيت اشاركه وياكم اذا صارت وياكم نفس المشكلة
اكو تطبيق اسمه
هذا شغله يظهر كل تطبيق تفتحه
باشعار باعلى الموبايل
لهيج الاعلان لو ظهر راح يكتشف التطبيق الي يودي الاعلانات
وطلع عندي مثبت تطبيق التيك توك مخفي .. وهو الي يودي الاعلانات .. ومن حذفته انحلت المشكلة
وهاي الصورة الي يظهرها التطبيق ويراقب كل ما تفتحه
تجربة حبيت اشاركها وياكم للفائدة
رد مع اقتباس
المشاركة الأصلية كتبت بواسطة فـاطـمـه๑♡՞
