هنا

[ارجع يازمان]

واحنه اوياهم,, ابنفس المواليد!!
::
كُبرنا وبالوجه بانت #تجاعيد
والشيب الوكح مايقبل ايهيد!!!
,
#امشرشب هد عليه وماله رداد
ردت عطوه ورفض كل #الأجاويد!
,
ضل #يلمع ابراسي ابسهرت الليل
حسبالك اكلوب ,,, #وبالضوه ايزيد!
,
ما خلالي واهس ///// #بالتصاوير
كمت بالصوره ( غاد ) اتكتر ابعيد!!
,
(#السهر) (#والشيب) صعبه امن ايتلاكون
مثل ملكه( الطيور ) اويه (#المصاييد)!!
,
#شبسرعه كبرنه / وصرنه شياب!
واحنه البارحه , انهم #بالمواعيد!!
,
اشتنفعنه * وبقت بس #المراسيل؟
مجرد #ذكريات ,,ابلايا تجديد!!
,
#رضينه ابواقع الحال ,, وقبلناه
ولوشالة عمرنه.. انطينه #تأكيد!
,
بقه عدنه احتجاج/ ابداخل الروح
مخبوصين ! ..بس ما ندري #شنريد!
,
ضل آخر #سؤال؟ ايأذي الجروح
وين ألكه #الجواب! الممكن ايفيد!!
,
ليش الشيبونه ....... ما يشيبون!
واحنه اوياهم,, ابنفس المواليد!!
,
ليش احنه كبرنه!.. وهمه باقين
حسبالك (شباب) وجنهم (#العيد)!!
ولك ضلوا شباب....... وجنهم العيد!!
حسين االساعدي

[ارجع يازمان]

ليش الشيبونه ....... ما يشيبون!
واحنه اوياهم,, ابنفس المواليد!!