هنا

[Samer]

مرحبا

القضية باعتقادي ما تتعلق بالدين، اللي يتحرش ببنية أو ينظرلها بصورة محرجة، هذا نقص باخلاقه قبل أي نقص آخر، صحيح الدين هو (وازع كافي) بس الأخلاق هي الأصل دائما، و هي المفروض تكون الوازع الأول، البنية تطلع لابسة بنطلون، لابسة، لابسة دلع هي بكيفها و هي حرة بنفسها و أهلها و ربها همة اللي يحاسبوها، اما انه يكون هذا مبرر أنه يتم النظر إلها بالطريقة الـ (مقززة) اللي نشوفها من قبل الاشخاص ضعاف النفوس، او انه يتم التحرش بيها باي صورة من الصور، هذا ما لا ترضاه الأخلاق أو الشريعة.

اللي عنده استعداد أن يتحرش بـ (بنت غير محجبة) ما عنده أي مانع يتحرش بـ (بنت محجبة) ما تفرق من هل ناحية، ما دام غاب الوازع الديني و الاخلاقي بالحالة الاولى، ايضا يكون غائب بالحالة الثانية، و جدير بينا كمثقفين أنه (نرفض هذه الحالة) و نعرب عن استيائنا من قبل اللي يسويها بأي صورة من الصور ، خصوصا لو كان صديق او شخص تقدر انه تتكلم وياه، على أية حال ..مجتمعنا يحتاج 100 سنة اخرى على الاقل يالة يوصل للحالة ا لمثالية

تحياتي

[بركان حبك ياعلي]

مو شرط
بعيوني اني اشوفهم شون يتحارشون حتى بالمنقبات وعبايات وجفوف وكلشي مامبين يكلها((اموت على المنقبات فديتج اني و.......))
وغيرة وغيرة
الشباب مو ضعيف الشخصية الشباب مبتعد عن ربه وعن دينة لذلك هيج يصير
لو يصلي الصلاة بوقتة ويقرة كتابه ميصير هيج راح يعرف الصح من الخطأ
بس للاسف جيل عن جيل يبتعد ((الله يكول بالقرآن يأتي جيل يبتعدون عن الصلاة ويتبعون الشهوات )) هذا الجيل والجاي اتعس بعد

من تحاجي شاب وتكلة يكون جوابة ((هي خربانة خربانة)) يعني هو مقتنع ان هذا خطأ ومصر على الخطأ
يعني الخلل بشباب اكثر من البنات
ليش مو نبي الله يوسف بالقرآن((قال اني اخاف الله رب العالمين )) وهم المرأة هي عرضت نفسها عليه

اذن المسألة مسألة قلبية ووجدانية ودينية وتربوية
من قبل الشاب اولا والبنت ثانيا
وان انعدمن هذن يجي وراهن القانون مثل الغرب واوربا
وان كان كلهن ماكو ممحيات
المجتمع راح يفيض بالناس الي تكول عليهم(( ضعيف الشخصية ))

هذا قصدي بضعيف الشخصيه الي ما عنده دين اعرف ان

المسألة قلبية ووجدانية ودينية وتربوية بس الشيطان هم مات والرجل مخلوق غريزي يا اختي وعلى المرأة المحتشمة اقل عرضه للمعاكسه وانا اشهد بهذا

[كبريائي قاهرهم]

بالبداية اوافق اختي الغالية Snow Girl بالرأي

لكن رغم هالشي اني اقسمهم 3 اقسام بغض النظر عن الملبس او المظهر اللي تطلع الفتاة بي
اذا سافرة او منقبة

القسم الاول : الرجل مؤدب و المرأة مؤدبة
القسم الثاني : الرجل مؤدب والمرأة سيئة او العكس
القسم الثالث : الرجل سيء والمرأة سيئة

طبعا القسم الاول ماشاءالله عليهم وان شاءالله
الله يجعلنه ويجعلكم من طائفتهم .

القسم الثاني مسألة اخلاقية ودينية يتمتع بيها احد الطرفين
وبهالحالة اكو مثل شعبي ينطبق عليها ( الزين زين وين متخلي يبقى زين )
يعني الصاين نفسه مينخاف عليه ولا راح يأثرون عليه
لان مسالة التحرش
اذا احد الطرفين مشاف رد فعل من المقابل صدكوني راح يفشل لو مو يغازل مراح يحصل على نتيجة
اما مسالة المظهر واللبس ما تحكم على بواطن القلوب و الاخلاق ..

والقسم الثالث العياذ بالله منهم ما اعتقد بحاجة الى تعليق ..


شكرا لصاحبة الموضوع على
طرح مثل هكذا مواضيع حوارية هادفة
تلامس الحياة اليومية ..
تقبلو مني مداخلتي المتواضعة
وديـ وخالص تقديريـ

[طوق الياسمين]

مثل ماقالوا الاخوة هي مسألة اخلاقية قبل ان تكون دينية
لان مجتمعنا يضم اغلب الطوائف فما نكدر نحكم على الكل بنفس الحكم بالنسبة للنساء
ومع ذلك تبقى الحشمة مطلوبة ومن كلا الجنسين
يعني ماتصير المرأة مثل اللي يدفع شخص مايعرف يسبح بالنهر ويكوله لاتغرق
ونفس الشئ بالنسبة للرجل عليه ان يتذكر دائما انه كما تدين تدان

شكراا بركان نقاش هادف عسى ان ينتفع به.... تحياتي

[علی]

احنا مجتمع محافظ وهذا شي حلو شكرا اخي

نعم صحیح احنا مجتمع محافظ بس لازم الکل یحافظ علی تعالیم الدین و یلتزم برعایتها حتی یکون مجتمعنا مجتمعاً مثالی و اذا نکون غیر منتبهین لذالک فیظهر عندنا لبناتنا مثل ما کتبتهُ فی تعلیقی الاول و لابنئنا بصورتاً اخری اذن حسب الظاهر و مع کل احترامی و اعتزازی فهمتینی غلط انه فی تعلیقی الاول خشیت بصلب الموضوع و قلت ما یلزم علیه قولُه تحیاتی

[ابن الوطن]

عندما تتوقف الاخلاق عن النمو وتضمحل
فان سوء اخلاقهم تشمل المنقبة والمخصرة كما وصفت
واحيانا يصل الى من تسكن دارها ولا تخرج
هو انحطاط اخلاق ليس الا واحيانا يشمل الطرفين
تحياتي وتقديري لكاتب الموضوع

[دمعة يتم]

ههههههههههههههههههههههه حبيبتي بركان...عاشت أيدج على هذا الطرح والطريقة المبسطة والعفوية...
والله هو الحجاب تشريع من الله تعالى...وهذا فرض...ومحد يكًدر يناقشة..
أما مسألة ألاخلاق...تبقى كل أنسان وضميره وعلى ماتربى عليه....
ومهما حصل تبقى المحجبة الرزنة في خطواتها وتحركاتها ...بعيدة عن هذه الامور...مهما كانت أخلاقية ألشباب..
والموضوع يطول لوناقشنا تفاصيله...
اللهم أني أسألك ألثبات على ديني...يــــارب
شكراً ألج حبي ع الطرح

[ابن العمارة]

و الله انا اكول البتن الي تلبس هيج ملابس عدها نقص بشخصيتها

[دلوووول]

البنت إلي تطلع بهالشكل تستاهل أي شي يصير لها وبعدين هي قاصدة تلفت الإنتباه لها بإلي مسويته بنفسها وعن نفسي أشوفها ماهي محترمة وإل مايحترم نفسه ما يقدر يجبر الناس تحترمه

[بركان حبك ياعلي]

شكرا لمروركم احبتي في الله