ياعيدي القديم!
: ·
ادموعي امشرشبات ومالهن رداد!
اذا ماترجع انتَ.. محد ايردهن,
.
مطشره الجروح ... الما يلمها اضماد
والمستشفى داخ // وعاجز يشهدهن!
.
كل ساعه ابمكان ابلجمتي التزداد//
الما الهن مقر!! ياهو اليهودهن!!
.
جنهن يتيمات .. امعاندات اعناد
وشيسكت اليتامة /// بذجر والدهن !!
.
صرت مثل العراق المالكه بغداد
يركض عله الضلن خاف يفكدهن !
.
سولفت بهواك ,, اتغامزوا ليغاد
كالوا جَذبت !! جلماتك اثبتهن!!!!
.
شَهدت العواذل/// والحجي مافاد
ياهو ايصدك ! ومتوفي شاهدهن !!
.
صارت روحي مثل السمجة والصياد
سدد فالته ,,, وذنيجه عايفهن !!
.
الماعنده عذر* ينباع بالمازاد/
اذا ما يلحك اديونه ...إويسددهن !
.
وبيه اثنينهن // والحالة ماتراد..
وحلوك الشماتة // ابذني شيسدهن !!!
.
(يا عيدي القديم ) الحسدتة الحساد !!
كبل لمن يجيني,, افراحه جايبهن
.
هسة يمر عليه,,,,, وبالمكاطع زاد
وطعنات االظهر/// مابيه أعددهن
طعنات ااالغدر/// فنه اليعددهن!!
حسين االساعدي