قصيدة : يسألونا نحب حيدر
للشاعر : انيس الخفاجي الكربلائي
: ليلة 23 رمضان 1446 هـ
:حسينية و موكب أم الحسن ع البصرة قضاء الفاو
طور : #طبع_النسر


يسألونه نحب حيدر؟
نعم للموت جاوبنه
رسالة وخل يسمعوها
ما نتخلى عن حبنه
علياً يا عليا .. عليا يا عليا
▪️▪️▪️▪️▪️
عن حبنا لعلي نجاوب
اجابة وبيها نتنومس
نَفَسَنا اليصعد وينزل
علي وبس علي نتنفس
اظن وضحت اجابتنه
الولاية الحيدرية وبس
شما سألوا بعد اكثر
اجابتنه مـتتغير
نحيا نموت وي حيدر
من تقوى القلوب نگول
حبه وهذا واجبنه
▪️▪️▪️▪️▪️
حيدر والد الشيعة
شلون نعوف والدنه
گلناها ونكررها
ابو الحسنين قائدنه
الولاية الحيدرية تظل
شوكة بعين حاسدنه
گوه مروه مـنعوفه
خاتم احنه بچفوفه
شيعة علي معروفه
لو وياه لو وياه
بس هالحل يناسبنه
▪️▪️▪️▪️▪️
حچيناها ونرد اليوم
نحچيها يـلايمنه
بالاصلاب من چنه
شيعة بعلي آمنه
والـماله عِرف وياه
لا يوصل بعد يمنه
نعيده للحچي نعيده
والـما راده مٰنريده
صلاة وصوم شيفيده
هيچ انسان ندعي الله
منه لا يقربنه
▪️▪️▪️▪️▪️
ولاية علي والدنيا
لو خيرونه بين اثنين
ما تحتاج كاف ولام
نجاوب واحنه متأكدين
كل الدنيا والـبيها
نقطة بحب ابو الحسنين
دنيا شتسوه من دونه
مخلوقين لعيونه
يالمشبّعنه ماعونه
شما سوينه مديونين
يبقه علي يطلبنه
▪️▪️▪️▪️▪️
نحب حيدر وحگ الله
شيعة ونفتخر بسمه
الولاية من نِعم ربنه
الحمدلله اعله هالنعمه
شيعة علي اتسمينه
وعلينه لايگه الكلمه
تزول النعمة لو عفناه
وتبقه النعمة بس وياه
العمر من دونه ما ردناه
بولاية علي وبحبه
مضمونة عواقبنه
▪️▪️▪️▪️▪️
نحبه ونبقه انصاره
تحت ايده وتحت امره
عِشرتنه صدگ عِشرة
وحبنه عَشره من عَشره
بهاي الدنيا ما عدنه
بس حب علي والزهره
من أولنه لآخرنه
على حب حيدر اكبرنه
نرخص له مناحرنه
فدوه ارواحنه لحيدر
وسط اگلوبنه اكتبنه
▪️▪️▪️▪️▪️