قصيدة : يابو الحسن دم نحور
للشاعر : عباس هابيل الزينبي
: ليلة 20 رمضان 1446 هـ
:حسينية و موكب أم الحسن ع البصرة قضاء الفاو
طور : #ميمر_كربلائي
يا ابوالحسن دم انحور ندفع ضريبة حبُك
▪️▪️▪️▪️▪️
خل الارض من دمنه الك تتروه
الما ينخط ابدم هذا حب مايسوه
لتراب التدوسه المناحر فدوه
ما نبخل اعليك ابْروح خالقنه لجلك ربك
▪️▪️▪️▪️▪️
من هذا غلهم والله راح يموتون
كل ما ننادي ياعلي يتأذون
امن الياعلي كلهم علي ينرعبون
ابْغض العدو يابو حسين الشيعه كلها تعجبك
▪️▪️▪️▪️▪️
من ميثم اتعلمنه كل هالاصرار
لو مو صلب لو ننحط ابوسط النار
هم مانعوفك ياعلي يالكرار
ندري خطر دربك زين اونعشگ خطورة دربك
▪️▪️▪️▪️▪️
البغضك بعدها اتخلُف شگد نسوان
نطفتها مو نطفت شرف لا شيطان
حبك شرف ميملكه غير الشجعان
اليومك تخلف النسوان اعداء نهجهم حربك
▪️▪️▪️▪️▪️
حبك كرامه الما يحبك ينذل
حبك يدلي التايه الما يندل
من عالم الذر انته حبنه الاول
موحدك انحب مولاي كلمن طلع من صلبك
▪️▪️▪️▪️▪️
عدنه الولايه اويه النفس يابوحسين
بيها انتشهد بالحياْة او ميتين
من المهد انته الولي الهذا الدين
مو بالسقيفه التنصيب الله ابعضمته امنصبك
▪️▪️▪️▪️▪️
بينه العزيمه ياعلي تتجدد
وهاي المحبه بكل زمن تتمدد
غيرك ولي مانرضه مولاي احد
لو متنه وانعيش اردود هم ياعلي ننتخبك
▪️▪️▪️▪️▪️
ابوذيات : وصيته ، عليها ، ياباه
للشاعر : ناظم الحاشي
https://t.me/m7bebasim/57702
عَلي الهَز الزلم بسمه وَصيته
إو رِجفَت لو رُفَع سيفه وصيته
گرب موته إوبِده يوصي وصيته
إو بده حِزن الليالي الزينبيه
▪️▪️▪️▪️▪️
زينب من وگع گالو عَليها
الدنيه انطبگ سافِلها عليها
ليلة ياعلي إفراگك عليها
أشَد من ليلة افراگ الزچيه
▪️▪️▪️▪️▪️
حِظَر موته علي والموت ياباه
لَچن سيف المُرادي إبغَدُر ياباه
على إبابه اليتامه إتصيح ياباه
بينه إو لاتُمُر بيك المنيه
▪️▪️▪️▪️▪️
رد مع اقتباس