قصيدة : يا كرار وي طبرتك طبرونا
للشاعر : حمزه السماوي
: ليلة 19 رمضان 1446 هـ
:حسينية و موكب أم الحسن ع البصرة قضاء الفاو
طور : #يامعبود_عجل_فرج_والينا


ياكرار ياكرار
وي طبرتك طبرونه
▪️▪️▪️▪️▪️
كوفة علي بلايه علي
والفجر اسود لونه
الحيطان تلطم والبشر
شنهو الحصل خبرونه
▪️▪️▪️▪️▪️
جبريل ناده بالسمه
والملك كلهم دونه
اتهدمت اركان الهدى
حيدر امغمض عيونه
▪️▪️▪️▪️▪️
واهنا طلع من مسجده
ودم نازل اعله جفونه
امفرع وطبره بهامته
واعمامته اعله امتونه
▪️▪️▪️▪️▪️
خطوه مشه خطوه وگع
ما كدرو ايسندونه
القالع الباب باصبعه
هل يُعقل يحملونه
▪️▪️▪️▪️▪️
من راد يوصل منزله
امرهم اينزلونه
خايف عله زينب علي
يدري تموت بدونه
▪️▪️▪️▪️▪️
يومين وايسافر علي
وبروحته ايفجعونه
ياريت وياه بالگبر
من ينزل اينزلونه
▪️▪️▪️▪️▪️