قصيدة : بدمعتي محيرة
بمشاركة : جليل الكربلائي
والمرحوم السيد محمد باقر الفالي
للشاعر : ابو علي الناصري
: ليالي استشهاد امير المؤمنين (ع)
: ليلة 22 رمضان 1432 هـ
: حسينية داود العاشور البصرة ابي الخصيب
يا علي دمعتي محيرة
يا علي وگلبي شيصبره
دار الوحي مظلمة
بعدك يحامي الحمه
يا علي ابدمعتي امحيره
▪️▪️▪️▪️▪️
هاي أول مره اشوفك بويه عن دارك تشيل
ما تنشف دمع عيني المثل دم جرحك يسيل
عليك هان افراگي گلي شلون يا حامي الدخيل
منهو عگبك يالصميدة يصبح الخدري كفيل
يا علي هذا سيل الدمع
يا علي من مصاب الضلع
اتجدد حزن فاطمة
بعدك يحامي الحمه
▪️▪️▪️▪️▪️
أيُّهَا الدُّنْيَا اِسْمَعِي اللَّيْلَه نِدَاءَ الْمُسْلِمِين
قَدْ فَقَدْنَا نُورَ مَوْلَانَا أمِيرَ الْمُؤْمِنِين
هُوَ نَفْسُ الْمُصْطَفَى فِي آيَةِ الذِّكْرِ الْمُبِين
قَدْ قَضَى بِالْغَدْرِ مِنْ ضَرْبَةِ أَشْقَى الْاخَرِين
بَعْدَهُ كُلُّنَا يَتَامَى
نَصْرَخُ اللَّيْلَه وَإِمَامَاه
قُلُوبْنَا مُضَرَمَة
فِي فَقَدِ حَامِي الْحِمَّه
▪️▪️▪️▪️▪️
وحشة دارك يالصميدة بين عليها الجره
شلون يتشافه جرحها وعنها غايب حيدره
لابسه هموم المصيبة ومثل حالي محيره
الدار هيبتها بوليها ودار ابويه مخدره
ياعلي دارك الفگدتك
ياعلي تنتظر جيتك
تجري المدامع دمه
بعدك يحامي الحمه
▪️▪️▪️▪️▪️
من يرد وحشتها عگبك يالصميدة وحشتي
ومن يرد فرحتها إلها ومن ينشف دمعتي
چنت هيبتها يبويه وتاج راسي وهيبتي
اذكر الباب ومصابه لو شفت دمع إخوتي
ياعلي بالحزن والألم
ياعلي ركن صبري انهدم
مفجوعة متألمة
بعدك يحامي الحمه
▪️▪️▪️▪️▪️
يَا عَلِي هَذِي الْيَتَامَى تَاهَتْ اللَّيْلَ تَنُوح
مُلِئَ الْحُزْنُ بِعَيْنِهِمْ دُمُوعاً وَجُرُوح
إِنَّهُمْ بَعْدَكَ أجْسَادٌ غَدُوا مِنْ غَيْرِ رُوح
لَيْلَةَ الْوَحْشَةِ لَا تَدْرِي إلَى أيْنَ تَرُوح
وَحْشَةٌ فِي عَزَّاكَ الدِّيَار
مَنْ يَكُنْ لِلْيَتَامَى الصِّغَار
وَدَارُنَا مُظْلِمَة
بعدك يحامي الحمه
▪️▪️▪️▪️▪️
هاي اول مرة جفني بعيد عن دارك غفه
ظلمة يابو حسين صفت نور واليها طفه
تجدد مصاب الزجيه وفگد جدي المصطفى
انصف اويه الأمة عودي والدهر ما انصفه
يا علي أمل عمري رحل
يا علي ما بگه كل أمل
نار البعد مضرمه
بعدك يحامي الحمه
▪️▪️▪️▪️▪️
عيوني يا كرار چانت تكتحل من شوفتك
وانطفه بلحظة ضواهن يا علي وي روحتك
بس بگت صورة وداعك وسط عيني وصورتك
ظل جرح ساكن بگلبي اتلچمه شوغة طبرتك
ياعلي بيش اهود الگلب
ياعلي جرح فگدك صعب
اتنوح الأرض والسمه
بعدك يحامي الحمه
▪️▪️▪️▪️▪️
رَبِّنَا خُذْ مَنْ يُعَادِي الْمُرْتَضَى فِي النَّشْأَتَيْن
وَانْتَقِمْ مِنْ تَابِعِ الرِّجْسَ الْمُرَادِيِّ اللَّعِين
إنَّهُمْ قَدْ أضْرَمُوا الْحِقْدَ لِكُلِّ الْمُؤْمِنِين
طَهِرِ الِأرْضَ إلْهُ الْحَقِّ مِنْهُمْ أجْمَعِين
رَبَنَا بِالْإِمَامِ الْمُبِين
حَيْدَرٌ سَيِّدُ الْمُتَّقِين
وَالطَّهْرَةِ الْفَاطِمَة
مَنْ بَعْدَ حَامِي الْحِمَّهْ
▪️▪️▪️▪️▪️
حرت بين افراگ ابويه وبين جمر الفاجعة
تيتمت ياسين بعدك والنبأ والقارعة
بعد ما فارگ خيالي صواب ضلع الشافعة
ذبح من الزغر حلمي صاب گلبي وروعه
ياعلي منين اجيب الصبر
ياعلي شلون ضمك گبر
عيوني نظرهن عمه
بعدك يحامي الحمه
▪️▪️▪️▪️▪️
لا يبطل النوح گلبي ولا ايهود ونته
ولا يغمض الليل جفني ولا تبطل دمعته
اذكر وصية الكفلني من تركني ابذمته
وديعتي عندك يگله وخله جفي ابيمنته
ياعلي تقبل مروتك
ياعلي تفارگ اوديعتك
حيلي الحزن هدمه
بعدك يحامي الحمه
▪️▪️▪️▪️▪️
أحْسَنَ اللَّهُ الْعَزَا لِلْحُجَّةِ ابْنِ الْحَسَنِ
إِنَّهُ صَاحِبُ أَمْرِنَا وَلِيُّ الزَّمَنِ
رَبَّنَا عَجَّل ظُهُورَ الْقَائِدِ الْمُؤْتَمَنِ
أَوْ مَا أَمِنَهُ يَمْحَقُ حُكْمَ الْوَثَنِ
نَسْأَلَ اللَّهَ مِنْ ذَا الْمَكَان
لِلْعَرَاق اَلْأَمَان الْأَمَان
بِأَدْمُعٍ سَاجِمَة
بَحَقِ حَامِي الْحِمَّهْ
▪️▪️▪️▪️▪️
هاي ايتامك يحيدر اجت يم بابك تنوح
شلون هان عليك بويه تعوف الايتام وتروح
اليوم كلمن حظن جرحه دموع وعتاب وجروح
تشوف كل واحد اخلافك جسد ظل بلايه روح
يا علي بس تنوح وتون
يا علي اشسوه بيها الحزن
تهل الدمع ساجمة
بعدك يحامي الحمه
▪️▪️▪️▪️▪️
رد مع اقتباس