قصيدة : غيرك فلا والينه
للشاعر : السيد عبد الخالق المحنه
: ليالي استشهاد امير المؤمنين (ع) 1432 هـ

يا علي غيرك فلا والينه
انت أول و آخر الحبينه
▪️▪️▪️▪️▪️
يا علي حبك عله العالم فرض
و انت حي اتعيش بينه اويه النبض
لا سمه لولاك صارت لا أرض
و لا شمس تضوي و بحر يروينه
▪️▪️▪️▪️▪️
يا علي صاح الجفن من الدمع
و الجرح صوته يا حيدر ينسمع
إي وحق المحسن و كسر الضلع
لا صبر ظل و الوكت ياذينه
▪️▪️▪️▪️▪️
ما رحمنه يا علي و جار الزمن
و اليحبك يا علي يدفع ثمن
صحنه هاي أرواحنه و هذا الجفن
انموت دونك يا علي اتمنينه
▪️▪️▪️▪️▪️
إي وحق اللي رفعها ابلا عمد
يا علي ولولاك لا ساجد سجد
و لا عرف جبريل باريه و عبد
و لا خلق حته العرش بارينه
▪️▪️▪️▪️▪️
لا أرض يخلق ولا يخلق جبل
ما خلق لولاك يا خير العمل
انت أول يا علي و أول تظل
و انت انت البلحشر تحمينه
▪️▪️▪️▪️▪️
رافضية و نفتخر و بكل شرف
و اليبغضك يا علي أصله انعرف
احنه كل اقلوبنه صارت نجف
ما سكن غيرك يحيدر بينه
▪️▪️▪️▪️▪️