قصيدة : رجعت خيبر ياحيدر
للشاعر : السيد عبد الخالق المحنه
: ليالي استشهاد امير المؤمنين (ع)
: ليلة 19 رمضان 1433 هـ
: حسينية داود العاشور البصرة ابي الخصيب

يا حيدر يا حيدر .. رجعت خيبر يا حيدر
▪️▪️▪️▪️▪️
مرحب ينتظرك و الباب
صفين و يوم الأحزاب
يالحاضر شخصك ما غاب
خل فقارك ينطي اجواب
راويهم راويهم .. صولة حيدر لو كبّر
▪️▪️▪️▪️▪️
ارجع شوف اشگد أيتام
تتذبح باِسم الإسلام
ارجع حرر أرض الشام
رجعوا عباد الأصنام
تتحرر تتحرر .. هاي بسيفك تتحرر
▪️▪️▪️▪️▪️
كلها اندارت يا كرار
من الشيعة اتريد الثار
گالوا حبكم بدعة و نار
نبقه وياكم مهما صار
رادونه رادونه .. ننسه و عنكم نتغير
▪️▪️▪️▪️▪️
بعض الأعراب الأنذال
عد مرحب يشكون الحال
دولة اتوزع بالأموال
دولة اتزودهم برجال
تاليهم تاليهم .. مثل الأول ما يطهر
▪️▪️▪️▪️▪️
ما نتصافح وي مروان
ما نتبع أم الغلمان
حيدرنه الحق و القرآن
و الخالف حيدر خسران
نادينه نادينه .. منعوفك لو نتوذر
▪️▪️▪️▪️▪️
احنه أهل الحق و التبيين
ما تنباع الدنيه بدين
و انعاهد عالحب باقين
باِسمك حيدر منصورين
عاهدنه عاهدنه .. كل يوم انحبك أكثر
▪️▪️▪️