قصيدة : لوردت كل المصايب
للشاعر : علي حسين البحراني
: ليالي استشهاد امير المؤمنين (ع)
: ليلة 23 رمضان 1435 هـ
: حسينية داود العاشور البصرة ابي الخصيب
طور : #يختلف_لونه_هلالك

لو ردت كل المصايب تنجلي
صيح من گلبك دخيلك يا علي
▪️▪️▪️▪️▪️
يالتوالي المرتضى والي الأمير
خل عقيدة ثابته بوسط الضمير
المستحيل بدار ابو الحمله يصير
هو باب الله وحبيبه و الولي
▪️▪️▪️▪️▪️
يلي نازل في حمه ارض النجف
هاذي ارض الخير و العز و الشرف
زور حضرة حيدره بحب و شغف
صيح بس حيدر امامي الاولي
▪️▪️▪️▪️▪️
يا موالي لا يصيبك ارتايب
و انته تعرف حيدره روح الكتاب
هذا حامي الجار حلال الصعاب
فضله عند الاعمى معروف و جلي
▪️▪️▪️▪️▪️
لوذ في شباجه و اطلب حاجتك
حاشه مو طبعه يرجع طلبتك
بأسمه للمعبود قدم شكوتك
حضرته بيها الفرج للمبتلي
▪️▪️▪️▪️▪️
هذا حيدر دارت بجفه السماء
هذا حيدر لابس ثياب البهاء
يمنته بحر المحاسن و العطاء
آيته ثغر الملايك تمتلي
▪️▪️▪️▪️▪️
بجاه ابو الحمله الوصي محيي السنن
ندعي من وسط القلب دعوة علن
ربنه عجل في ظهور ابن الحسن
يمته هالدنيه بعدلهم تمتلي
▪️▪️▪️▪️▪️